Паёми Пешвои Миллатро сармашқи кори худ медонем!

1,001 просмотров

Дар Паём омадааст, танзими давлатии муносибатҳои меҳнати шуғли аҳолӣ таъсиси ҷойҳои нави корӣ, касбомӯзӣ ва муҳоҷирати аҳолӣ ба суботи иҷтимоӣ ва сатҳи зиндагии аҳолӣ таъсири бевосита дорад.

Амалӣ гардидани барномаҳои давлатии мусоидат ва шуғли аҳолӣ имкон дод, ки дар 10 соли охир зиёда аз 1 миллион ҷойҳои кори доимӣ, мувақатӣ ва мавсимӣ таъсис дода шуда, танҳо тавассути мақомоти давлатии шуғли аҳолӣ 315 ҳазор нафар бо ҷои кор таъмин гардиданд, ки 30% онҳоро занон ташкил медиҳанд.

Дар баробари ин, Вазоратҳои меҳнат, муҳоҷират ва шуғли аҳолӣ, маориф ва илм, ҷиҳати тақвия бахшидан ба омодагии касбии шаҳрвандон ва муҳоҷирони меҳнатӣ раванди таълими касбиро ба стандартҳои ҷаҳонӣ ва талаботи воқеии бозори меҳнат мутобиқ гардонанд.

Дар Паёми имсола Президенти кишвар Эмомалӣ Раҳмон қайд намуданд, ки бо дарназардошти вазъи имрӯзаи бозори меҳнати дохиливу хориҷӣ ва бо ҷои кор таъмин кардани шумораи ҳарчи бештари шаҳрвандон Вазорати меҳнат, муҳоҷират ва шуғли аҳолӣ ва дигар вазорату идораҳо, роҳбарони вилоятҳо ва шаҳру ноҳияҳо, ташкилоту корхонаҳо сарфи назар аз шакли моликияти онҳо, инчунин соҳибкорон, масъулони муассисаҳои таҳсилоти ибтидоӣ ва миёнаи касбиро зарур аст, ки бо истифода аз тамоми захираву имкониятҳо барои фароҳам овардани ҷойҳои нави корӣ чораҷӯи намуда, ҷиҳати таъсиси курсҳои таълими касбу ҳунар ва забономӯзи муҳоҷирони меҳнатӣ тадбирҳои иловагӣ андешанд.

Дар баробари ин бояд ҷиҳати васеъ ба роҳ мондани корҳои хонагӣ, аз қабили қолинбофӣ дигар навҳои бофанданию дузандагӣ ва умуман рушди косибиву ҳунармандӣ чораҳои муассир андешида шаванд.

Дар масъалаи омузонидани касбу ҳунарҳои гуногун ва тайёр кардани кадрҳои коргарӣ ӯ афзуд, вазифаи муҳимтарини роҳбарону масъулони вазоратҳои меҳнат, муҳоҷират ва шуғли аҳолӣ, маориф ва илм ва вазорату идораҳое, ки дар сохторашон муассисаҳои таълимӣ доранд, инчунин роҳбарони вилоятҳо ва шаҳру ноҳияҳо буда, онҳо вазифа доранд, ки заминаҳои моддиву техникии таълимгоҳҳо, ба хусус марказҳои таълими калонсолонро таҳким бахшанд ва барои омода кардани кадрҳо дар бозори меҳнат рақобатпазир ҳамаи чораҳои заруриро амалӣ намоянд.

Ҷиҳати иҷрои супориши Роҳбари давлат соли 2015 дар ҳамаи муассисаҳои тарбияи кадрҳои коргарии Вазорати меҳнат, муҳоҷират ва шуғли аҳолӣ ва дигар вазорату идораҳое, ки дар сохторашон муассисаҳои таълимӣ доранд, беш аз 200 ҳазор нафар касбу ҳунарҳои нав омӯхтанд ва барои фаъолият дар бозори меҳнати дохиливу хориҷӣ омода шуданд. Ин раванд бояд дар оянда идома ёфта. Сатҳу сифатӣ касбу ҳунаромӯзӣ ва омӯзиши забонҳои хориҷӣ боз ҳам баланд бардошта шавад.

Вақти он расидааст, ки роҳбарону масъулини соҳа бо истифода аз имкониятҳои коллеҷу литсейҳои касбиву техникӣ, муассисаҳои таҳсилоти олии касбӣ ва миёнаи умумӣ марказҳои таълими калонсолон, инчунин курсҳои омӯзиши касбу ҳунарро ҳарчи бештар ташкил намоянд.

              Амиралӣ Шарипов
мутахассиси пешбари Бахши иқтисод ва банақшагирӣ.