Мулоқоти судманд

746 просмотров

20 апрел мулоқоти муовини сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Толиб Шарипов бо Раиси ҷамъияти тоҷикони шаҳри Рязани Федератсияи Россия Алексей Авғонов баргузор гардид.                    Зимни вохўрӣ тарафҳо доир ба масъалаҳои муҳоҷирати меҳнатӣ ва саҳмгузории бевосита дар ҳалли мушкилоти муҳоҷирони меҳнатӣ – шаҳрвандони Ҷумҳурии Тоҷикистон, ки дар минтақаи Рязани кишвари Россия фаъолияти корӣ доранд, суҳбат оростанд.                                                                                                         Муовини сардори Хадамот муфассал дар бораи рафти иҷрои Нақша-чорабиниҳо оид ба татбиқи Консепсия дар бораи ҷалби ҳамватанони бурунмарзӣ ҳамчун шарикони рушди кишвар, ки бо Қарори Ҳукумати Ҷумҳурии Тоҷикистон аз 28 феврали соли 2015 тасдиқ гардидааст, ахборот дод.                                                                                           Аз тарафи худ, Раиси ҷамъияти тоҷикони шаҳри Рязан Алексей Авғонов ба роҳбарияти Хадамот изҳори миннатдорӣ намуда, арз намуд, ки Ҷамъияти тоҷикон дар Федератсияи Россия ҳамеша  омодааст, ҳамкории худро бо Хадамоти муҳоҷират мустаҳкам намуда, дар ҷалби ҳамватанони бурунмарзӣ ҳамчун шарикони рушди кишвар мусоидат намояд.  Дар фарҷоми мулоқот ҷонибҳо омодагии худро баҳри тақвият ва густариши ҳамкориҳои минбаъда баён доштанд.                                                                                          Вохўрӣ дар фазои озод ва якдигарфаҳмӣ баргузор шуд.

                                                                                                Анвар Юсупов