Шаҳрвандони Тоҷикистон дар Россия бе тамдиди муҳлати патент ва бақайдгирӣ метавонанд кори худро идома диҳанд

701 просмотров

 

Шаҳрвандони Тоҷикистон дар Россия метавонанд бе тамдид намудани муҳлати патент, бақайдгирӣ дар маҳали иқомат ва дигар иҷозатномаҳо барои кор дар тамоми қаламрави Федератсияи Россия, яъне новобаста ба он ки дар кадом шаҳру вилоятҳои Россия зиндагӣ доранд, кори худро идома диҳанд.

Тавре АМИТ «Ховар» бо истинод ба Сафорати Тоҷикистон дар Россия хабар медиҳад, тибқи фармони Президенти Федератсияи Россия аз 18 апрели соли 2020, аз 15 март то 15 июни соли 2020 муҳлати патент, бақайдгирӣ дар маҳали иқомат ва дигар иҷозатномаҳо барои кор дар тамоми қаламрави Федератсияи Россия дароз карда шуд.

Дар давраи зикршуда, барои масъалаҳои патент ва бақайдгирӣ муроҷиат ба мақомоти дахлдори давлатии Россия зарурат надорад, ҳамчунин ягон намуди пардохти маблағ пешбинӣ нагардидааст.

Барои дигар масъалаҳое, ки муҳоҷирон мехоҳанд ба мақомоти дахлдори Россия муроҷиат намоянд, лутфан, шахсан ва бе ягон шахсони миёнарав муроҷиат кардан зарур аст, зеро дар вазъияти имрӯза нафароне ҳастанд, ки бо пешниҳоди маълумоти дурӯғ ва бо мақсади ситонидани маблағ шаҳрвандонро фиреб медиҳанд.

Ҳамчунин аз ҳамаи шаҳрвандони Тоҷикистон-ҳамватанон эҳтиромона хоҳиш мешавад, ки дар сурати ба миён омадани суолҳо ва масъалаҳои ҳалталаб, бевосита, ҳар як шахс худаш, тавассути телефонҳои доимӣ амалкунандаи Сафорати Тоҷикистон ва консулгариҳои генералии Тоҷикистон, ки дар зер нишон дода мешаванд, муроҷиат намояд:

ш. Москва:

+7 (926) 411 09 61

+7 (995) 501 87 33

+7 (985) 740 02 12

+7 (977) 487 89 64

+7 (910) 443 63 35

e-mail: tajembmoscow@mfa.tj

Facebook: @tajembassy.ru

ш. Санкт-Петербург:

+7 (961) 611 16 17

+7 (812) 490 47 46

e-mail:tajgencons.piter@mfa.tj

ш. Уфа:

+7 (347) 276 52 96

+7(927) 231 71 71

+7(927) 945 65 66

e-mail:tajconsufa@mfa.tj

ш. Екатеринбург:

+7 (343) 370 23 60

e-mail:tajconsek@mfa.tj

ш. Новосибирск:

+7 (913) 487 38 22

+7 (383) 349 59 70

e-mail:tajgencons.nsk@mfa.tj