Эълони Сафорати ЧТ дар ФР оид ба қаллобон

116 просмотров

 

Ҳамватанони муҳтарам!

Рӯзҳои охир аз тарафи баъзе шахсони манфиатҷӯ ва ғаразнок дар бораи он, ки гӯё тавассути нақлиёти заминӣ, аз ҷумла автобусҳо, сафар намудан ба Тоҷикистон имконпазир аст, миёни шаҳрвандон маълумоти беасос ва нодуруст паҳн карда мешавад. Ҳамчунин, ҳолатҳое мушоҳида шудааст, ки нафарони тамаъҷӯ шаҳрвандонро фирефта намуда, барои сафар ба Тоҷикистон аз онҳо маблағ гирифтаанд.

Бинобар ин, аз ҳамаи шумо бори дигар эҳтиромона хоҳиш менамоем, ки ба маълумоти шубҳанок ва носанҷида бовар накарда, аз сафар ба самти Тоҷикистон тавассути нақлиёти заминӣ (автобус, таксӣ ва ҳар гуна мошинҳои дигар) худдорӣ намоед. Зеро сарҳадҳои давлатӣ миёни Россия, Қазоқистон, Ӯзбекистон ва Тоҷикистон бо мақсади пешгирӣ аз эпидемияи дар натиҷаи сирояти коронавирус ба вуҷуд омада, ҳанӯз ҳам баста мебошад ва воридшавӣ ба қаламрави давлатҳои мазкур, аз ҷумла тавассути воситаҳои нақлиётӣ, манъ аст.

Ҳамватанони азиз, дар сурати ташкил шудани рейсҳои чартерии ҳавопаймоҳо ва ё барқарор шудани хатсайрҳои мунтазам, инчунин кушодашавии сарҳадҳо, шумо тавассути сомона ва дигар зарфиятҳои интернетии расмии Сафорати Тоҷикистон дар Россия хабардор карда мешавед.
Дар сурати ба миён омадани суолҳо ва барои гирифтани маълумоти зарурӣ, лутфан ба Сафорат ва консулгариҳои генералии Тоҷикистон дар Россия бо рақамҳои телефонии зерин муроҷиат намоед:

ш. Москва:

📞 +7 (926) 411 09 61

📞 +7 (995) 501 87 33

📞 +7 (985) 740 02 12

📞 +7 (495) 690-41-86

ш. Санкт-Петербург:

📞+7 (961) 611 16 17
📞+7 (812) 490 47 46
ш. Уфа:
📞+7 (347) 276 52 96
📞+7(927) 231 71 71
📞+7(927) 945 65 66
ш. Екатеринбург:
📞+7 (922) 115 33 19
📞+7 (343) 370 23 60
ш. Новосибирск:
📞+7 (913) 487 38 22
📞+7 (383) 349 59 70