Ярмаркаи ҷойҳои холии кор

203 просмотров

Шуъбаи Хадамоти муҳоҷират дар шаҳри Исфара дар ҳамҷоягӣ бо Раёсати Агентии меҳнат ва шуғли аҳолӣ дар Ҷамоати деҳоти Чоркӯҳ ярмаркаи ҷойҳои холии кор ташкил кард. Чорабинӣ дар Маркази ҷавонони ҷамоат, ки дар он беш аз 40 ҳазор нафар аҳолӣ зиндагӣ мекунанд, доир гардид.
Дар умум аз ҷониби кордиҳандагон 390 ҷои холии кор бо музди меҳнати аз 400 то 2200 сомонӣ ба корҷӯяндагон пешниҳод гардид.
Ба ярмарка 346 нафар корҷӯён ташриф оварданд. Ба 16 нафар барои кори доимӣ роҳхат дода шуд, ки 14 нафарашон бо кор таъмин шуданд. Ҳамчунин 17 нафар барои касбомӯзӣ дар курсҳои кӯтоҳмуддат номнавис шуданд.
Дар назди иштирокчиён мутахассиси пешбари шуъбаи Хадамоти муҳоҷират М. Ахмедов низ суханронӣ кард ва қоидаҳои муҳоҷирати меҳнатии бехатарро шарҳ дод. Ҳамзамон ба ташрифовардагон маводҳои ташвиқотии вобаста ба ин масъаларо дастрас кард.

Мардон ҚУРБОНОВ