[:tj]Тоҷикистон кишварест, ки бо табиати нотакрору сарватҳои бойи табии дар ҷаҳон ҳамто надорад. Бо ғамхории бевоситаи Президенти мамлакат, Пешвои миллат, Асосгузори сулҳу ваҳдати миллӣ, муҳтарам Эмомалӣ Раҳмон дар минбарҳои баланди Созмонҳои байналмилалӣ оид ба об ва проблемаҳои вобаста ба он мавриди баррасӣ қарор дода шудаанд.                                                                                                                Бори нахуст Сарвари давлат соли 2003 – ро «Соли байналхалқии оби тоза» эълон карда, соли 2005 – 2015 – ро «Даҳсолаи об барои ҳаёт», соли 2013 – ро «Соли байналмиллалии ҳамкорӣ дар соҳаи об» муаррифӣ намуда, соли 2018 – 2028 – ро Даҳсолаи амал «Об барои рушди устувор» эълон намуд. Акнун ҷаҳониён Тоҷикистонро дар шумораи кишварҳои фаъолу ташаббускор ва пешсафи сайёра дар ҳалли масъалаҳои глобалии марбут ба об ва истифодаи оқилонаву сарфакоронаи он мешиносанд, ки ин албатта, боиси ифтихори кули мардуми кишварамон аст.                  Бо мақсад ва ба манфиати халқу давлат истифода намудани ин сарватҳои табии аз ҳар як шаҳрванди ҷумҳурӣ масъулияту уҳдадории зиёдеро талаб мекунад. Поку беолоиш нигоҳ доштани оби кулу дарёҳо, соҳили онҳо албатта муаззаф будани шахсро дар назди табиат ва ҳифзи сарватҳои табии муайян месозад.                                          Чун шохаҳои рудхонаи Панҷ ҳамеша тоза аст, обаш мудом соф мебошад.              Баробари ҳамаи ин Бадахшон аз қадим боз бо оби лоли чашмасору дарёҳои шухи куҳиаш дар ҷаҳон машҳур аст. «Нозанини хуфта», яъне кули Сарез беш аз як қарн аст, ки чун ҷоми лабрез дар кафи куҳистон қарор дошта, таваҷҷуҳи оламиёнро ба худ ҷалб намуд.                                                                                                                     Дар урфият мегуянд, ки ҷое об аст, он ҷо ободист. Оре, рангорангии табиати сеҳрангез, хандаи гулҳои тар, сабзиши растани, мавҷи сабзи талу теппаҳо аз шарофати ин неъмати беназир аст.                                                                       Обҳои Помир захираи калони гуногуннамуди биологӣ доранд. Дар даруни кулҳо ва дарёҳои Помир, ки оби тоза доранд, обсабзҳо, лишайникҳо ва растаниҳои дараҷаи баланди обӣ нашъунамо доранд.                                                                              Дар ҳақиқат об сарвати бебаҳои табиат буда, сарсабзиву шикуфоӣ ва пойдории олам аз он вобастагӣ доранд. Аз ин рў ҳар фарди солимфикр бояд барои тоза нигоҳ доштани ин неъмати бебаҳо ҳамаҷониба саъйу кўшиш намояд.

Обу ободӣ ба ҳам пайваста аст.                                                                                 Об агар набвад, ҳаёт ҳам баста аст.                                                                         Ман бинушам оби тоза бо ҳавас.                                                                               Зиндаам бо оби тоза ҳар нафас.

                                                                                  Бахши Хадамоти муҳоҷират                                                                                                    дар ш. Хоруғ[:]