[:tj] 

Аз 25 июн саркарда марҳила ба марҳила баргардонидани шаҳрвандони Тоҷикистон тариқи парвозҳои чартерӣ аз шаҳрҳои Москва, Санкт-Петербург, Қазон, Новосибирск ва Екатеринбурги Федератсияи Россия оғоз мегардад, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.

Вазорати корҳои хориҷии Тоҷикистон хабар медиҳад, ки парвозҳои чартерӣ тибқи ҷадвали зерин, ки бо мақомоти дахлдори Россия  ҳамоҳанг шудаанд, сурат мегиранд:

25 июни соли 2020 бо хатсайри Душанбе – Москва – Душанбе, ширкати «Тоҷик Эйр»

26 июни соли 2020 бо хатсайри Душанбе – Қазон – Душанбе, ширкати «Тоҷик Эйр»

30 июни соли 2020 бо хатсайри Душанбе – Новосибирск – Душанбе, ширкати «Сомон Эйр»

1 июли соли 2020 бо хатсайри Душанбе – Москва – Душанбе, ширкати «Сомон Эйр»

6 июли соли 2020 бо хатсайри Душанбе – Санкт-Петербург – Душанбе, ширкати «Сомон Эйр»

7 июли соли 2020 бо хатсайри Душанбе – Екатиринбург – Душанбе, ширкати «Тоҷик Эйр»

13 июлисоли  2020 бо хатсайри Душанбе – Москва – Душанбе, ширкати «Тоҷик Эйр»

14 июли соли 2020 бо хатсайри Душанбе – Москва – Душанбе, ширкати «Сомон Эйр»

«Дар раванди анҷом додани чунин парвозҳо афзалият ба табақаҳои осебпазир, пеш аз ҳама беморон, занону кўдакони хурдсол, пиронсолон, донишҷўён, инчунин шахсоне, ки ба сафари хидматӣ ба Россия рафта буданд, дода мешавад», — таъкид намуданд дар Вазорати корҳои хориҷии Тоҷикистон.

Инчунин, тибқи дастури Ситоди ҷумҳуриявӣ оид ба пешгирӣ аз паҳншавии бемории COVID-19 масъалаи барқарор намудани парвозҳои доимӣ ба/аз Русия, Туркия ва Чин аз ҷониби мақомоти марбута мавриди баррасӣ қарор дорад.[:]