Бахши Хадамоти муҳоҷират дар ноҳияи Шаҳринав оид ба амалисозии “Стратегияи муқовимат ба экстремизм ва терроризм барои солҳои 2021-2025” корҳои иттилоотиву-маърифатиро ба роҳ монда, вохӯрии судманд дар ҷамоатҳои деҳотӣ Боғистон ва Истиқлол бо фаъолон ва сокинони ҷамоатҳо, аз ҷумла муҳоҷирони меҳнатӣ ва аъзои оилаи онҳо баргузор намуд.
Зимни баргузории чорабиниҳо ба шаҳрвандон оид ба оқибатҳои шомил гардидани наврасону ҷавонон ва муҳоҷирони меҳнатӣ ба ҳизбу ҳаракатҳои ифротгаро, пешгирӣ аз бемориҳои сироятӣ, соҳибкасб намудани занону бонувон ва ҷавонон ва ба ин васила паст намудани шидати муҳоҷират ва бекорӣ аз ҷониби кормандони бахш ба ҳозирин баромадҳо ироа гардид.
Ҳамзамон, баромадкунадагон, қайд карданд, ки экстремизм ва терроризм бо тамоми зуҳуроташ ҳамчун ҷараёни иртиҷоӣ аён гашта, доираи васеи кишварҳо ва минтақаҳои оламро фаро гирифта, ба падидаи мудҳиши умумибашари табдил ёфтааст. Аз ин лиҳоз, вақтҳои охир ба гуруҳҳои ифротгаро шомил шудани ҷавонон ва занону духтарон ин дарди ҷонсӯзи миллату ватан аст. Чунки тамоюли бегонапарастӣ ва ба фарҳанги бегона майл намудани занону духтарони кишвар, ташвиқи либосҳои бегона, ҳисси бегонапарастӣ, тақлидкорӣ, рафтору гуфторе, ки ба фарҳанги миллии мо таъсири манфӣ мерасонанд ба чашм мерасад.
Гуруҳҳои ифротгаро метавонанд, ки бо ақидаҳои нодурусти худ занону духтарон ва ҷавононеро, ки имрӯзҳо аз фарҳанги миллӣ, ҳисси хештаншиносӣ ва афкори дурусти ислом пурра огоҳӣ надоранд, ба сӯи ифротгарои ҷалб намоянд. Бинобар ин бояд ҷавонони мо таълимоти дурусти диниро пурра дарк намуда, кӯшиш намоянд, ки фирефтаи ҳар гуна гуруҳҳои ифротгаро нагарданд.
Аз ин лиҳоз моро мебояд, ки дар ин лаҳзаҳои ҳассос насли ҷавонро дар руҳияи ватандӯстӣ, ифтихори миллӣ, худшиносию худогоҳӣ, тарбия намуда, шукри Истиқлоли Ватану давлатро намоем. Шукри суботу оромии кишвари азизамонро карда, барои ваҳдати ҷомеа талош намоем ва ба бегонапарастӣ ва дигар омилҳои носолим роҳ надоданро вазифаи муқаддаси худ шуморем.
Кормандони масъули бахши Хадамоти муҳоҷират, ба сокинони ҷамоатҳо оид ба қоидаҳои нави будубоши муҳоҷирони меҳнатӣ дар қаламрави Федератсияи Россия маълумоти кофӣ дода, аз ҷониби бахш варақаҳои таблиғотӣ дар самтҳои гуногун дастрас карда шуд.
Инчунин, оид ба барасмиятдарории ҳуҷҷатҳои муҳоҷироне, ки ғайриқонунӣ дар қаламрави Федератсияи Россия қарор доранд дар бахши Хадамоти муҳоҷират мавриди омӯзиш қарор дода, дар ҳамкорӣ бо ҷамоатҳои деҳоти ноҳия варақаҳои иттилоотӣ дар самти мазкур тариқи раисони кумитаҳои маҳаллаҳо дар ҷойҳои ҷамъиятӣ ба теъдоди 200 адад эъломия насб карда шуда, бурдани корҳои иттилоотӣ-маърифатӣ дар байни аҳолии ноҳия идома дорад.
Бахши Хадамоти муҳоҷират дар ноҳияи Шаҳринав
