Бо ташабуси Раёсати Хадамоти муҳоҷират дар вилояти Хатлон дар шаҳри Бохтар мизи мудаввар дар мавзӯи «Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2021-2025» баргузор гардид.
Дар чорабинии мазкур Сардори Хадамоти муҳоҷират Нодирзода Иматшо, сардорони шуъба ва бахшҳои Хадамоти муҳоҷират дар шаҳру ноҳияҳои вилоят, омӯзгорони Донишгоҳи давлатии Бохтар ба номи Носири Хусрав ва ташкилоти ҷамъиятии “Ахтари Бахт” ширкат намуданд.
Зимни баромад Сардори Хадамоти муҳоҷират Нодирзода Иматшо, Фармони Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон аз 1 июни соли 2021 оид ба қабул шудани “Стратегияи миллии Ҷумҳурии Тоҷикистон оид ба муқовимат бо экстремизм ва терроризм барои солҳои 2021-2025”-ро иқдоми саривақтӣ ва хеле муҳим дар роҳи пешгирии ин зуҳуроти номатлуб арзёбӣ намуда, қайд карданд, ки Стратегияи миллӣ самтҳои асосии сиёсати давлатиро дар соҳаи пешгирии экстремизм муайян намуда, амалӣ намудани он ба бартараф намудани омилҳои ифротгароӣ дар ҷомеа мусоидат хоҳад кард.
Инчунин, ӯ дар атрофи он воқеаҳои охирине, ки дар кишвари Федератсияи Россия ба вуқӯъ омад, ин баргузории рейдҳои оммавӣ зери унвони “Нелегал-23” ҷиҳати муайян намудани муҳоҷирони ғайриқонунӣ гузаронида шуда, диққати махсус ба пешгирии қонуншиканиҳо дар соҳаи қонунгузории муҳоҷират равона карда мешавад, сухан ронда, изҳори нигаронӣ намуд.
Ӯ афзуд, ки кормандони шуъбаву бахшҳои раёсат зимни вохӯриҳо бо сокинони вилоят дар атрофи будубош дар кишвари қабулкунанда, омода намудани ҳуҷҷатҳои лозима, аз қабили патент, иҷозаи кор ва қайди зист ба шаҳрвандон – муҳоҷирони меҳнатӣ содда намуда фаҳмонда диҳанд.
Шаҳрвандони кишвар бояд аз он тағйиру иловаҳое, ки дар қонунгузории Ҳукумати Федератсияи Россия ҷорӣ мегардад, сари вақт огоҳ бошанд.
Инчунин, дар давраи рейдҳои муштарак, муҳоҷирони меҳнатӣ, сайругашти бемавридро дар ҳудуди Федератсияи Россия камтар намуда, бештари вақти худро дар ҷойҳои корӣ гузаронанд.
Ҳангоми гаштугузор дар кучаю хиёбонҳо, муҳоҷирони тоҷик бояд бо худ тамоми ҳуҷҷатҳои лозима аз қабили шиноснома, қайди ҷойи зист, патент ва дигар ҷузъиёте, ки давлати иқомат талаб менамояд, бо худ дошта бошанд.
Дар робита бо ин иштирокчиёни мизи мудаввар баромад намуда, дар бораи пешгирии ҷавонон, бахусус муҳоҷирони меҳнатӣ, ки дар кишвари хориҷа фаъолият мекунанд, сари роҳи пешгирӣ ва шомил нашудани онҳо ба ҳар гуна ҳизбу ҳаракатҳои ифротӣ андешаронӣ ва мубодилаи афкор намуданд.
Дар хатми чорабинӣ иштирокчиёни он, сардорони шуъбаву бахшҳои раёсати Хадамоти муҳоҷират дар вилояти Хатлон тасмим гирифтанд, ки корро дар ин самти муҳим ҷоннок намуда, бурдани корҳои фаҳмондадиҳиро дар шаҳраку ҷамоатҳо пурзӯр менамоянд.
Раёсати Хадамоти муҳоҷират дар вилояти Хатлон
