Дар толори калони Коллеҷи политехникии ноҳияи Зафаробод гурӯҳи корӣ дар ҳайати Зоҳидов Ҳусейнҷон мудири бахши дохилӣ ва экологии раёсати Хадамоти муҳоҷират дар вилояти Суғд, Толибзода Мухтор, мудири шуъбаи таблиғот ва иттилоотӣ КИ ҲХДТ дар вилоят, Саидзода Шуҳрат устоди Донишгоҳи давлатии ҳуқуқ бизнес ва сиёсати Тоҷикистон, Шарифзода Меҳриддин муовини раиси ноҳияи Зафаробод ва Шарифзода Туйғун раиси КИ ҲХДТ бо сокинони ноҳияи Зафаробод суҳбатҳои муфид анҷом доданд.
Сараввал Шарифзода Меҳриддин муовини раиси ноҳияи Зафаробод меҳмононро ба иштирокчиён шинос намуда таъкид намуд, ки мулоқоти мазкур ба тадбиқи Қонуни Ҷумҳурии Тоҷикистон «Дар бораи тарбияи ватандустии шаҳрвандон» ва бедор намудани эҳсоси ватандӯстии ҷавонон равона гардидааст.
Зоҳидов Ҳусейнҷон мудири бахши дохилӣ ва экологии раёсати Хадамоти муҳоҷират дар вилояти Суғд зимни баромади худ дар бораи пешгирии шомилшавии ҷавонон, бахусус, муҳоҷирони меҳнатӣ ба ҳизбу ҳаракатҳои номатлуб, муҳоҷирати бехатар, инчунин дар бораи Қонуни Ҷумҳурии Тоҷикистон «Дар бораи тарбияи ватандустӣ шаҳрвандон» андешаронӣ намуд.
Бояд қайд кард, ки мулоқот дар сатҳи баланд ва судманд баргузор гардид.
Раёсати Хадамоти муҳоҷират дар вилояти Суғд
