Шуъбаи Хадамоти муҳоҷират дар шаҳри Исфара дар  якҷоягӣ бо мақомоти иҷроияи ҳокимияти давлатии шаҳр, санаи 27-уми июли соли ҷорӣ бо раисони кумитаи маҳалла, занҳои фаъол ва сокинони ҷамоат дар толори маҷлисгоҳи ҷамоати деҳоти Ворух вохӯриро оид ба мавзӯъи пешгирии бемориҳои сироятӣ ва муқовимат бо савдои одамон доир намуданд.

Вохӯрии мазкур таҳти роҳбарии муовини раиси шаҳр Зиёваддинзода С.  доир гашт. Зимни баромад сардори шуъбаи Хадамоти муҳоҷират дар шаҳри Исфара М. Ахмедов оид ба муҳоҷирати бехатар ва муқовимат ба савдои одамон, пешгирии шомилшавии ҷавонон ба ҳизбу ҳаракатҳои номатлуб ва мубориза алайҳи экстремизм ва терроризм суханронӣ намуд.

Ҳамзамон бо мақсади бо ҷойи кор таъмин намудани шаҳрвандони бекор тибқи супориши ситоди вилоятӣ вобаста ба масъалаҳои бо ҷои кор таъмин намудани муҳоҷироне, ки воридшавиашон ба қаламрави Федератсияи Россия манъ гаштааст дар ҶСК НБО «Роғун» варакаҳо буклетҳо ва руйхати ҷойҳои кории холиро пешниҳод намуда, барои бо кор таъмин шудан дар ширкатҳои сохтмонии ҶСК «НБО Роғун» 8 нафар ба қайд гирифта шуданд ва дар ҳолати розигӣ додан ҳуҷҷатҳои онҳо тартиб дода шуда ба Ситоди вилоятӣ пешниҳод карда мешавад.

Гузаронидани чунин вохӯриҳо ҳафтаҳои оянда низ дар назар аст.

Шуъбаи Хадамоти муҳоҷират дар шаҳри Исфара