Бахши Хадамоти муҳоҷират дар якҷоягӣ бо комиссияи маҳаллӣ тибқи қарори раиси ноҳияи Рӯдакӣ ба оилаҳои муҳоҷирати дохилии (ихтиёрӣ) аз ноҳияҳои Муъминобод -15 оила, Темурмалик -10 оила ва шаҳри Роғун -15 оила аз санаи 28 август то 7-уми октябри соли равон муҳоҷиронро даъват намуда, мувофиқи рӯйхат барои сохтмони манзили иқоматӣ аз ҳудуди деҳаи Навбунёди ҷамоати деҳоти Эсанбой ба ҳар як оила 0,12 га қитъаи замини наздиҳавлигӣ тақсим карда шуд.
Бояд қайд кард, ки бахши Хадамоти муҳоҷират дар ноҳияи Рӯдакӣ ҷиҳати иҷрои Қарори Ҳукумати Ҷумҳурии Тоҷикистон “Дар бораи тартиби амалӣ намудани муҳоҷирати дохилии аҳолӣ аз ноҳияҳои камзамин ва сераҳолии кӯҳистон ба водиҳои дорои заминҳои бекорхобидаи ҷумҳурӣ дар солҳои 2019-2021” дар самти қабули муҳоҷирони ихтиёрӣ аз шаҳри Роғун, ноҳияҳои Темурмалик, Муъминобод, Роштқалъа ва Варзоб то ин замон дар баррасии мақомот қарор дошта буд, ҳалли худро ёфт.
Инчунин, дар назар аст, рӯзҳои наздик ба 10 оилаи муҳоҷирони дохилӣ ноҳияи Варзоб ва 4 оилаи ноҳияи Роштқалъа низ қитъаи замини наздиҳавлигӣ тақсим карда шавад.
Бахши Хадамоти муҳоҷират дар ноҳияи Рӯдакӣ
