Дар асоси нақшаи кории Вазорати меҳнат, муҳоҷират ва шуғли аҳолии Ҷумҳурии Тоҷикистон санаи 9-уми октябри соли ҷорӣ бо иштироки муовини Вазири меҳнат, муҳоҷират ва шуғли аҳолии Ҷумҳурии Тоҷикистон Давлатзода Қиёмиддин ва кормандони дастгоҳи Раёсат, сардорони шуъба ва мудирони бахшҳои Хадамоти муҳоҷират дар шаҳру ноҳияҳо, Фурудгоҳи байналмилалии Хуҷанд ва Истгоҳи роҳи оҳан, директори МД “Марказҳои машваратӣ ва омодагии пеш аз сафари муҳоҷирони меҳнатӣ дар шаҳри Хуҷанд” дар толори Литсейи касбии техникии шаҳри Хуҷанд маҷлиси ҳисоботӣ оид ба натиҷаҳои ҷамъбасти нуҳмоҳаи соли 2023 доир гардид.
Маҷлисро муовини Вазири меҳнат, муҳоҷират ва шуғли аҳоли Ҷумҳурии Тоҷикистон Давлатзода Қ. ифтитоҳ намуда, сараввал аҳли толорро бо супоришу вазифагузориҳои протоколии ҷаласаҳои ҳисоботии ҳайати мушовараи Вазорати меҳнат, муҳоҷират ва шуғли аҳолии Ҷумҳурии Тоҷикистон, Хадамоти муҳоҷират ва маҷлиси фаъолони вилояти Суғд шинос намуда, баён дошт, ки аз ҷониби мақомот ҷиҳати боз ҳам тақвият бахшидани фаъолият ва бо нишондиҳандаҳои баланди меҳнатӣ сазовор истиқбол гирифтани ҷашни 35-солагии Истиқлолияти давлатии Ватанамон дар назди аъзои ҷомеа, аз ҷумла хизматчиёни давлатӣ супоришу вазифаҳои мушаххас гузошта шуданд, ки барои иҷрояшон ҳамаи мо масъул ҳастем.
Масъалаи якуми маҷлис асосан натиҷаҳои ҷамъбасти фаъолияти Раёсати Хадамоти муҳоҷират ва сохторҳои зертобеи он дар давоми нуҳ моҳи соли 2023 ва вазифаҳо барои семоҳаи чоруми соли равон буд.
Масъалаи дигар ин самти ба танзим даровардани муҳоҷирати дохилӣ ва экологӣ эътибори махсус зоҳир гардид ва масъалаи мазкур ба таври густурда баррасӣ шуд.
Ба Сардорони шуъба ва мудирони бахшҳои Хадамоти муҳоҷират дар шаҳру ноҳияҳои Исфара, Куҳистони Мастчоҳ, Айнӣ, Деваштич ва Зафаробод ҷиҳати ислоҳи камбудиҳо дар самти муҳоҷирати дохилию экологӣ ва зудтар сафарбар намудани муҳоҷирон ба ноҳияҳои қабулкунанда аз ҷониби муовини Вазири меҳнат, муҳоҷират ва шуғли аҳолии Ҷумҳурии Тоҷикистон ба сардори Раёсат ва шахсони масъули соҳа дастуру супоришҳо дода шуд.
Раёсати Хадамоти муҳоҷират дар вилояти Суғд
