МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Душанбе як суҳбату вохӯрии самимиро дар Фурудгоҳи байналмилалии Душанбе бо мусофирон – шаҳрвандони ҷумҳурӣ, ки ба хориҷи кишвар равонаанд, дар атрофи қонунгузориҳои давлати қабулкунанда баргузор намуданд.

Зимни мулоқот намояндагони Марказ доир ба донистани қонунгузориҳои кишвари қабулкунанда дар бораи тартиби ба қайд гузоштан, омода будан барои гирифтани Сертификати забони русӣ, дар муҳлати муқарраргардида гирифтани Патент, бастани шартномаи меҳнатӣ бо кордиҳанда, инчунин дар бораи пешгирии шомилшавии ҷавонон ба гурӯҳҳои ифротӣ маълумоти муфассал пешниҳод менамоянд.

Мувофиқи талаботи нави қонунгузории Федерасияи Россия дар самти муҳоҷирати меҳнатӣ, ҳар шаҳрванди хориҷие, ки дар ҳудуди Федератсияи Россия фаъолият менамояд уҳдадор аст, ки дар давоми 30-рӯз аз лаҳзаи воридшавиаш Патентро дастрас накардааст, бояд ҷарима супорад ё қаламрави онро тарк намояд.

Зимнан, шаҳрвандон танҳо баъд аз 90-рӯзи аз санаи хориҷшавиашон аз ҳудуди Федератсияи Россия ҳуқуқи дигарбора бозгашт ба ин кишварро барои фаъолияти меҳнатӣ доранд. Қаблан чунин талабот ҷой надошт ва шаҳрвандон метавонистанд, баъд аз як рӯз аз санаи хориҷшавиашон ба Федератсияи Россия бозпас гарданд.

Ҳамзамон, шурӯъ аз аввали соли 2015 барои дастрас намудани Патент ҷиҳати ишғоли ҷойҳои корӣ дар ҳудуди Федератсияи Россия барои шаҳрвандони хориҷӣ санҷиши донистани забони русӣ, таърих ва асосҳои қонунгузории Федератсияи Россия ба роҳ монда шудааст. Яъне, шаҳрвандони хориҷӣ танҳо баъд аз дастрас намудани сертификати санҷиш дар Федератсияи Россия ба кор қабул карда мешаванд.

Чунин вохӯриҳо оиди будубоши шаҳрвандони ҷумҳурӣ ба Федератсияи Россия бо сокинони ҷумҳурӣ дар Фурудгоҳи байналмилалии Душанбе оянда низ дар назар аст.

МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Душанбе