Бахшида ба 32-солагии Рӯзи Истиқлолияти давлатии Ҷумҳурии Тоҷикистон намояндаи Раёсати Хадамоти муҳоҷирати Вазорати меҳнат муҳоҷират ва шуғли аҳолӣ дар вилояти Суғд Зоидов Ҳусейнҷон ба ҳайси намоянда аз мақомоти иҷроияи ҳокимияти давлатии вилоят дар мактаб-парваришгоҳи ба номи Дадоҷон Бойматови ноҳияи Шаҳристон иштирок намуда, табрикоти Раиси вилоят ва роҳбарияти Раёсати Хадамоти муҳоҷиратро ба саҳми толибилмон ва омӯзгорони ин муассисаи таълимӣ расонид.
Инчунин баҳри бозҳам хотирмон таҷлил намудани ҷашни 32-солагии Рӯзи Истиқлолияти давлатии Ҷумҳурии Тоҷикистон чорабинии фарҳангӣ бо иштироки толибилмони мактаб-парваришгоҳи мазкур доир гардида, дастурхони идона барои 50 нафар кӯдакони ин муассиса густурда шуд.
Тарбиятгарони муассиса дар барномаи фарҳангӣ шеърҳо дар васфи Пешвои муаззами миллат, Ватан ва Истиқлолият қироат намуданд.
Макони баргузории чорабини бо рамзҳои давлатӣ, муқаддасоти миллӣ ва шиору овезаҳо бахшида ба 32-солагии Рӯзи Истиқлолияти давлатии Ҷумҳурии Тоҷикистон оро дода шуда буд.
Раёсати Хадамоти муҳоҷират дар вилояти Суғд
