Терроризм – экстремизм яке аз проблемаҳои асосии ҷомеаи ҷаҳонӣ боқӣ монда аз кулли сокинони сайёра тақозо менамояд, ки алайҳи он муборизаи беамон бурда шавад.

«Имрӯзҳо гурӯҳҳои террористиву – экстремистӣ барои ҷалби шаҳрвандон ба сафҳои худ аз технологияҳои муосири иттилоотӣ истифода карда ҷавонони камтаҷрибаву ноогоҳро бо ғояҳои тундгароӣ гумроҳ месозанд. Тоҷикистон дар оянда низ дар ҳалли масъалаҳои мубрами ҷомеаи байналмилалӣ, аз қабили мубориза бо экстремизм, терроризм, ҷинояткории муташаккили фаромиллӣ, қочоқи силоҳ ва маводи мухаддир, ҷиноятҳои киберӣ, ҳамчунин, мутобиқшавӣ ба пайомадҳои тағйирёбии иқлим ва рафъи оқибатҳои он саҳми босазо хоҳад гузошт» ироа намуд Президенти Ҷумҳурии Тоҷикистон мӯҳтарам Эмомалӣ Раҳмон дар Паёми навбатӣ ба Маҷлиси Олӣ.

Аз ин лиҳоз, мақомотҳои дахлдорро зарур аст, ки барои пешгирӣ аз хавфу хатарҳои террористиву – экстремистӣ фаъолияти худро ҳамоҳанг сохта бо роҳи тақвияти корҳои фаҳмондадиҳӣ пеши роҳи гароидани ҷавононро ба равияҳои ифротгаро гирифта, онҳоро дар рӯҳияи садоқат ба халқу Ватан ва эҳтиром ба арзишҳои умумиинсонӣ тарбия намоянд.

Мутаасифона дар байни ҷанговарону мубаллиғони ҳаракату гурӯҳҳои тундрав шаҳрвандони кишвари мо низ ҳастанд ва таблиғоти хурофотии онҳо ба наслҳои ояндасози мо беасар намемонад.

Ҷиҳати суст будани заминаи маърифатию илмӣ, заъфии тафаккури интиқодӣ ба пойбанд гардидан ба ғояҳои ифротӣ ва урфу одатҳои бегонпарастӣ оварда мерасонад.

Барои ҳамин ҳам ба ҷавонон зарур аст, ки бо ҳар роҳу восита касбҳои муосирро аз худ намуда дар ҷомеаи мутамаддин роҳу равиши худро пайдо кунанд ва ба беҳбудсозии ҷомеа саҳми худро гузоранд.

Бахши Хадамоти муҳоҷират дар ноҳияи Шуғнон