Имрӯз дар бинои Вазорати меҳнат, муҳоҷират ва шуғли аҳолии Ҷумҳурии Тоҷикистон вохӯрии Вазири меҳнат, муҳоҷират ва шуғли аҳолӣ Амонзода Ширин Шодӣ бо Сафири Подшоҳии Арабистони Саудӣ дар Ҷумҳурии Тоҷикистон Валид бин Абдурраҳмон ар-Рушайдон баргузор гардид.

Дар рафти вохӯрӣ ҷонибҳо масъалаҳои марбут ба соҳаҳои меҳнат, аз ҷумла роҳандозӣ намудани ҳамкориҳои минбаъда дар самти таҳсилоти ибтидоии касбӣ, шуғли аҳолӣ, муносибатҳои меҳнатӣ, муҳоҷират ва мусоидат ба шуғли аҳолиро мавриди баррасӣ қарор дода, омодагии худро ҷиҳати рушди ҳамкориҳои минбаъда иброз намуданд.