Шуъбаи Хадамоти муҳоҷират дар ВМКБ дар якҷоягӣ бо кормандони сохтори ноҳиявӣ дар ҷамоати деҳоти Сучони ноҳияи Шуғнон вохӯрии навбатиро дар мавзӯи “Пешгирии шомилшавии ҷавонон – муҳоҷирони меҳнатии вилоят ба гурӯҳҳои ифротгароӣ, террористӣ ва экстремистӣ” баргузор намуданд.
Зимни вохӯрӣ сардори шуъбаи Хадамоти муҳоҷират дар ВМКБ Мулкамон Каниев оид бо кортаъминкунии муҳоҷирони баргашта, муташаккилона сафарбар намудани хоҳишмандон ба муҳоҷирати меҳнатӣ, шомил нашудани онҳо ба ҳар гуна ҳизбу ҳаракатҳои ифротӣ ва дигар масъалаҳои мубрами рӯз сухан гуфт.
Дар рафти вохӯрӣ аз ҷониби иштирокчиён саволҳои сершумор манзур гардид, ки ба ҳар яки онҳо ҷавобҳои мушаххас дода шуд.
Чунин вохӯриву мулоқотҳо дар ҷамоати деҳоти ноҳияҳои вилоят баргузор хоҳад шуд.
Шуъбаи Хадамоти муҳоҷират дар ВМКБ
