Бо ибтикори бахши Хадамоти муҳоҷират дар шаҳри Хоруғ вохӯрии навбатӣ бо сокинони шаҳр, муҳоҷирони меҳнатӣ ва аъзои оилаи онҳо баргузор гардид.

Дар вохӯрӣ зимни баромад кормандони масъули бахши Хадамоти муҳоҷират дар бораи пешгирии воридшавии ҷавонон ба гурӯҳҳои экстремистӣ ва террористӣ, фаҳмонда додани вазъи муҳоҷирати меҳнатӣ, қонунҳои давлатҳои муҳоҷирпазир, таъмин намудани шаҳрвандон бо ҷойи кор дар қаламрави вилоят, инчунин муташаккилона ҷалб намудани хоҳишмандон барои фаъолияти меҳнатӣ дар хориҷи кишвар ва дигар масъалаҳои мубрами рӯз вобаста ба муҳоҷирати меҳнатӣ суханронӣ намуданд.

Дар хатми вохӯрӣ иштироккунандагон ба саволҳои сершумори худ ҷавобҳои мушаххас гирифтанд.

Чунин вохӯриву мулоқотҳо дар ҷамоату деҳоти шаҳру ноҳияҳои вилоят идома дорад.

Бахши Хадамоти муҳоҷират дар шаҳри Хоруғ