Шуъбаи Хадамоти муҳоҷират дар шаҳри Хуҷанд ҷиҳати пешгирӣ намудани шомилшавии ҷавонон ба ҳаргуна ҳизбу ҳаракатҳои мамнуъ, даъвати ҷавонон ба сафи Қувваҳои мусаллаҳ, риояи Қонуни Ҷумҳурии Тоҷикистон “Дар бораи танзими анъана ва ҷашну маросимҳо”, “Дар бораи масъулияти падару модар дар тарбияи фарзанд” ва масъалаи муҳоҷирати бехатар, омодагӣ пеш аз сафари муҳоҷирони меҳнатӣ дар МТМУ №25-и шаҳри Хуҷанд бо сокинон ва фаъолони маҳаллаи “Чашмаи Арзана” вохӯрӣ доир намуд.
Зимни суханронӣ таъкид гардид, ки сулҳу субот ва амнияту бехатарии ҳар як сокинони мамлакат аз Артиш вобастагӣ дошта, ҳар як сокинони кишварро зарур аст, ки бобати сафарбаркунии ҷавонон ба сафи Қувваҳои мусаллаҳ, ки дар он дарси нерӯи ҷавонмардиву матонат, ватандӯстиву хештаншиносӣ, эҳтиром ба арзишҳои миллӣ ва расидан ба қадри ҳар як порчаи Ватан талқин карда мешавад, бояд бетараф набошем ва фаъолона ширкат намоем.
Зикр карда карда шуд, ки имрӯзҳо дар саросари дунё гурӯҳҳои экстремистӣ-террористӣ пайдо гардиданд, онҳо фаъолияти хешро паҳн намуда истодаанд ва мақсади асосии онҳо ин ноором намудани вазъ бо истифода аз ғояҳои экстремистӣ ва ҷалби бештари пайравон дар сартосари ҷаҳон мебошад. Аз ин рӯ, мо бояд ҳушёриву зиракии сиёсиро аз даст надода, фирефтаи гумроҳи чунин ниятҳои нопоки ҳизбу ҳаракатҳои тундрав нагардида, ҷавононро ҳушдор созем, то ба онҳо шомил нагарданд.
Дар охир, оиди ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати қабулкунанда, омодагӣ пеш аз сафар, бақайдгирӣ, ҳуҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), донистани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, ёрии тиббӣ расонидан ба шаҳрвандони хориҷӣ дар қаламрави ФР, гирфтани Патент, тартиб додани шартномаи меҳнатӣ, танҳо бо шиносномаи хориҷӣ ворид шудан, дар алоҳидагӣ ба ҳозирин фаҳмонида дода шуд.
Зикр кардан ба маврид аст, ки гузаронидани чунин вохӯриҳо дар ҳама шуъба ва бахшҳои раёсати Хадамоти муҳоҷират дар шаҳру ноҳияҳои вилоят мунтазам ба роҳ монда мешавад.
Шуъбаи Хадамоти муҳоҷират дар шаҳри Хуҷанд
