11-уми октябри соли ҷорӣ бахши Хадамоти муҳоҷират дар ноҳияи Ашт дар ҷамоати деҳоти Меҳрободи деҳаи Бахмал байни занҳои хонашин ва фаъолони деҳа корҳои иттилоотӣ – маърифатӣ баргузор намуд.
Дар вохӯрии судманд намояндаи бахши Хадамоти муҳоҷират дар ноҳияи Ашт доир ба масъалаҳои мубрами рӯз, қонунгузории Федератсияи Россия дар бораи муҳоҷират, омодагии пеш аз сафар ба муҳоҷират, бахусус, гирифтани Патент, Сертификати донистани забони русӣ, қайди муваққатӣ ва дигар масъалаҳои вобаста ба фаъолияти меҳнатӣ дар хориҷи кишвар сухан гуфт.
Ҳамзамон, дар мулоқот оид ба пешгирии шомилшавии чавонон ба ҳизбу ҳаракатҳои номатлуб, аз ҷумла, қайл гардид, ки боиси таассуф аст, ки имрӯз ифротгароӣ ва терроризм дар тамоми гӯшаву канори олам доман паҳн намудааст. Баҳри пешгирии амалҳои террористӣ дар ҷаҳон олимон, мутахассисони соҳа, сиёсатмадорону тадбирандешон якҷоя дар пайвастагӣ фаъолият мебаранд, то ин пешаи номатлубро решакан кунанд. Сарчашмаи ҳамаи нооромиву нокомиҳои миллатро ҳар нафари соҳибақл аз падидаҳои хатарзо ва зуҳуроти номатлуби терроризм ва экстремизм медонад.
Ҳамасола дар қаламрави ҷумҳурӣ аз тарафи мақомотҳои давлатӣ, ҳифзи ҳуқуқ тадбирҳои муҳим андешида мешаванд. Бо вуҷуди ба дастовардҳои то имрӯз ноилшудаамон мо бояд боз ҳам бештар заҳмат кашем, то камбудиву мушкилоти ҷойдоштаро бартараф созем, Ватани худро обод гардонем ва бо истифодаи самараноки тамоми захираву имкониятҳо рушди босуръати иқтисодиёти Тоҷикистони азизамонро таъмин намоем.
Имрӯз зуҳуроти терроризм ва ифротгароӣ вабои аср бар амнияти ҷомеаи башарӣ гашта, он хатари на камтар аз яроқи ядроиро ба миён овардааст. Аз ҷавонони ҳушманду соҳибақл хоҳиш карда мешавад, ки ҳидоятҳои Сарвари давлатро сармашқи кори хеш гардонида, ҳамзамон аз падидаҳои нангину номатлуб ва хонумонсӯз худдорӣ карда, аҳли ҷомеаро зери хатар нагузоранд.
Инчунин, дар вохӯрӣ оид ба таълимоти ғайри расмии динӣ ва муқовимат бо савдои одамон низ сухан гуфта, ҳозиринро водор сохтанд, ки пеш аз сафар фарзандони худро таъкид намоянд, ки ҳушёриву зиракии сиёсиро аз даст надода фаъолият намоянд.
Дар фарҷоми вохӯрӣ ба иштирокчиён варақаҳои иттилоотӣ тақсим карда шуд.
Бояд қайд кард, ки чунин мулоқоту вохӯриҳо бо сокинони ҷамоату деҳотӣ ноҳия мунтазам идома хоҳад ёфт.
Бахши Хадамоти муҳоҷират дар ноҳияи Ашт
