Кормандони раёсати Хадамоти муҳоҷират дар шаҳри Душанбе дар ҳамбастагӣ бо шуъбаи Агентии меҳнат ва шуғли аҳолӣ дар ноҳияи Шоҳмансур вохӯрии навбатӣ бо муҳоҷирони меҳнатии эҳтимолиро баргузор намуданд, ки дар он масъалаҳои муҳоҷирати меҳнатӣ ва навовариҳо дар қонунгузории муҳоҷиратии Федератсияи Россия баррасӣ гардид.
Бояд қайд кард, ки иштирокчиён зимни вохӯрӣ бо сокинони шахраку махаллаҳо ва ҷойҳои ҷамъиятии пойтахт ба ҳозирин доир ба қонунҳон нави Федератсияи Россия ва будубош суҳбатҳо гузарониданд.
Яке аз мавзуъҳои мубрами рӯз, дар ин вохӯриҳо масъалаҳои муҳоҷирати меҳнатӣ буда, дар алоқамандӣ бо навоварӣ дар қонунгузории муҳоҷирати кишвари Россия мебошад. Баромадкунандагон оид ба масъалаи мазкур ба иштирокчиён моҳияти онро содда карда фаҳмониданд.
Инчунин зикр гардид, ки муҳоҷирони меҳнатӣ ҷиҳати халли мушкилиҳо метавонанд ба шуъбаи қабул ва маслиҳатдиҳӣ ба муҳоҷирони меҳнатии раёсати Хадамоти муҳоҷират дар шаҳри Душанбе воқеъ дар хиёбони Борбад 71 муроҷиат намоянд.
Ҳамзамон, қайд гардид, ки чунин вохӯриҳо, ки аслан дар баланд бардоштани савияи дониши онҳо таъсири мусбӣ мерасонад, мунтазам баргузор хоҳад гардид.
Раёсати Хадамоти муҳоҷират дар шаҳри Душанбе.
