Шуъбаи Хадамоти муҳоҷират дар шаҳри Исфара ва бахши Хадамоти муҳоҷират дар шаҳри Истаравшан якҷоя бо Раёсати Агентии меҳнат ва шуғли аҳолӣ, ярмаркаи ҷойҳои холии корӣ баргузор намуданд.

Мақсад аз баргузории ин маъракаи муҳим, пеш аз ҳама бо ҷойи кор таъмин намудани шаҳрвандони бекор тибқи супориши Ситоди вилоятӣ вобаста ба масъалаҳои бо ҷойи кор таъмин намудани муҳоҷирони манъгашта дар ФР, ҶСК «НБО Роғун» варақаҳо буклетҳо пешниҳод намуда, барои бо кор таъмин шудан дар ширкатҳои сохтмонии ҶСК «НБО Роғун» ба қайд гирифта шуданд.

Дар ярмаркаҳои мазкур зиёда аз 300 нафар сокинон иштирок намуданд, ки кормандони Хадамоти муҳоҷират ба ҳар яки онҳо суҳбат намуда ба онҳо шарту шароит ва музди маоши кор дар ҶСК «НБО Роғун» – ро фаҳмонданд.

Инчунин аз ҷониби масъулин ба иштирокчиёни чорабинӣ ёддоштҳо дар мавзуъҳои «Ҷойҳои кории холӣ ва вазифаҳои озод дар Ҷамъияти Саҳомии Кушодаи Неругоҳи Барқи Обии «Роғун», «Дастур оид ба касбомӯзии шаҳрвандони бекор ва корҷӯй», «Роҳнамо дар бораи будубоши муҳоҷирони меҳнатӣ – шаҳрвандони Ҷумҳурии Тоҷикистон дар Федератсияи Россия», «Ёддоштҳо ба муҳоҷирони меҳнатии Ҷумҳурии Тоҷикистон, ки аз муҳоҷирати меҳнатӣ баргаштанд», «Машварат ба муҳоҷирони меҳнатӣ», «Ёддоштҳо барои шаҳрвандони Тоҷикистон оид ба масъалаи воридшавӣ ба Федератсияи Россия», «Биёед, кӯшишҳои худро якҷо намуда, дар ҳамбастагӣ ба коррупсия муқовимат намоем», «Аз санҷиши ВНМО гузар», «Мо бар зидди терроризм ва экстремизм (ифротгароӣ)», «Мо зидди савдои инсонем» ва «Мубориза ба муқобили хариду фурӯши одамон» дастрас гардонида шуд.

Қайд кардан ба маврид аст, ки масъулини соҳа минбаъд низ ташкил ва баргузории ярмаркаҳои ҷойҳои холии корӣ, ва доир намудани корҳои иттилоотӣ-маърифатиро ҷиҳати ҷалби сокинони бешуғл барои кор дар ҳудуди шаҳру ноҳияҳои вилоят ва ҶСК НБО «Роғун» ба роҳ мемонад.

Раёсати Хадамоти муҳоҷират дар вилояти Суғд