Шуъбаи Хадамоти муҳоҷирати шаҳри Хуҷанд дар якҷоягӣ бо шуъбаи Агентии меҳнат ва шуғли аҳолии шаҳр бо намояндагони Ҳизби Халқии Демократии Тоҷикистон дар шаҳри Хуҷанд дар маҳаллаи Гулистони шаҳри Хуҷанд чиҳати саҳмгузорӣ ва сафарбар намудани шаҳрвандон ба кор дар НБО “Роғун” бо мақсади пур намудани ҷойҳои кории холӣ, ки аз ҷониби Ҷамъияти Саҳомии кушодаи НБО «Роғун» ярмаркаи ҷойҳои кории холӣ ва аксияи иттилоотӣ – маърифатӣ таҳти унвони «Роғунро якҷоя месозем» баргузор намуданд.
Дар ярмарка сокинони шаҳри Хуҷанд ва корҷӯён фаъолона ширкат варзиданд ва хоҳишмандон ба қайд гирифта шуд.
Ҳамзамон, дар ярмарка ба корҷӯён моҳият ва арзиши ин сохтмони тақдирсози миллатро фаҳмонида, ҷавонон ва мутахассисонро барои кор ба иншооти НБО «Роғун» ҳидоят намуданд.
Бояд қайд кард, ки дар аксияи мазкур зиёда аз 1500 ҷойҳои холии корӣ барои вазифаҳои гуногун пешниҳод карда шуд.
Ҳадаф аз ин иқдом таъмини мардум бо ҷойи корӣ, саҳм гузоштан дар сохтмони Нерӯгоҳ ба ҳисоб рафта ба ин васила мо метавонем ҳисси худро дар пешрафти саноатикунонии кишвар ва рушду нумуи Тоҷикистони соҳибистиқлол гузорем.
Иқдоми мазкур минбаъд низ аз ҷониби шуъбаи Хадамоти муҳоҷират дар шаҳри Хуҷанд идома меёбад.
Шуъбаи Хадамоти муҳоҷират дар шаҳри Хуҷанд
