Маврид ба зикр аст, ки баъзе шабакаҳои иҷтимоӣ бо пешниҳоди маълумоти бардурӯғ ва ё пешниҳод намудани маълумот бо додани характерҳои гуногун ба он, метавонад шаҳрвандонро ба гумроҳӣ барад.

Барои мисол, тибқи таҳлилҳои мутахассисон, ки дар заминаи омӯзиши чандин парвандаи ҷиноятӣ ва суҳбат бо намояндагони сершумори мақомоти суд, прокуратура ва умури дохила анҷом пазируфтааст, навад дарсади шаҳрвандон маҳз тавассути шабакаҳои иҷтимоии интернетӣ ба минтақаҳои зери тасарруфи террористон бурда шудаанд.

Аммо, мутаассифона, гумоштагони шабакаҳои экстремистию террористӣ ҳаргиз аз ҳадафашон даст намекашанд. Яъне ҳарчанд онҳо имкони вуруд ба кишвар ва таҳмили ақидаю хостаҳояшонро надоранд, лек тариқи шабакаҳои иттилоотӣ, имрўз мафкураи шаҳрвандонро вайрон кардан мехоҳанд.

Гоҳо баъзеи мо аз надонистани забону хати арабӣ, муҳтавои навиштаҷот ё видеонаворҳоеро, ки дар шабакаҳои иҷтимоӣ гардиш мехӯранд, дуруст дарк накарда, зери онҳо “Класс” ё “Like” мегузорем, аммо бехабар аз он, ки бо ин рафторамон аллакай ҷиноят содир кардааем. Дар  вазъияти ҳассоси имрўза, моро мебояд, ки ба суханҳои беасоси шабакаҳои иғвогар бовар накунем. Зеро мақсади асосии онҳо ноором кардани вазъ дар дохили кишварамон мебошаду халос.

Сафаров Фаридун,

Мутахассиси пешбари Раёсати Хадамоти муҳоҷират дар шаҳри Душанбе