Дар маҷлисгоҳи хурди Кохи «Суғдиён»-и шаҳри Хуҷанд ҷаласаи Шӯрои ҳамоҳансозии пешгирӣ ва мубориза ба вируси норасоии масъунияти одам бо иштироки масъулини дахлдор баргузор шуд.
Муяссара Қаҳҳорӣ, муовини Раиси шаҳри Хуҷанд ҷаласаро ҳусни оғоз бахшида, аз ҷумла таъкид дошт, ки баҳри пешгирӣ ва мубориза бар зидди вируси норасоии масъунияти одам, бемории пайдошудаи норасоии масъуният (БПНМ),сил ва вараҷа дар Ҷумҳурии Тоҷикистон дар давоми 33 соли охир якчанд барномаҳои миллӣ ба тасвиб расонида шуд, ки бисёри онҳо дар амал ҷорӣ карда шуда, қайди гирифторони ВНМО ва сил дар Ҷумҳурии Тоҷикистон коҳиш ёфтааст.
Ҳоло дар назди ҳамаи муасиссаҳо, ташкилотҳо, идораҳо, кумитаҳо, Раёсатҳо амалигардонии “Барномаи миллӣ оид ба муқовимат ба эпидемияи вируси норасоии масуният ва бемории пайдошудаи норасоии масуният дар Ҷумҳурии Тоҷикистон барои солҳои 2021-2025”, Барномаи миллӣ “Ҳимояи аҳолӣ аз бемории сил дар Ҷумҳурии Тоҷикистон барои солҳои 2021-2025”, “Стратегия пешгирӣ, хуруҷ ва аз нав барангезиши интиқолии бемории вараҷа дар Ҷумҳурии Тоҷикистон барои солҳои 2019-2023”, ки бо Қарорҳои Ҳукумати Ҷумҳурии Тоҷикистон ва фармоиши Вазорати тандурустӣ ва ҳифзии иҷтимоии аҳолии Ҷумхурии Тоҷикистон тасдиқ карда шудааст, яке аз вазифаи асоси ҳисобида мешавад.
Дар сатҳи шаҳри Хуҷанд бо мақсади амалигардонии ва иҷрои талаботи ин Барномаҳо, нақша чорабиниҳо барои солҳои 2021-2025 таҳия ва тасдиқ карда шудааст. Роҳбарияти Мақомоти иҷроияи ҳокимияти давлати шаҳри Хуҷанд бо баҳри фароҳам овардани шароити мусоиди кор ба кормандони соҳаи тиб пайваста кӯшиш ба харҷ медиҳад.
Сипас, дар ҷараёни кори ҷаласа директори Маркази пешгирӣ ва мубориза бар зидди вируси норасоии масунияти одам ва беморрии пайдошудаи масуният дар шаҳри Хуҷанд Абулов М., директори муассисаи давлатии Маркази ҳимояи аҳолӣ, аз бемории сил дар шаҳри Хуҷанд Раҳимова Р,, мутахассиси шуъбаи Хадамоти муҳоҷират дар шаҳри Хуҷанд Ҷабборова Д.,ва дигарон баромад намуданд.
Раёсати Хадамоти муҳоҷират дар вилояти Суғд
