Муҳимтарин натиҷаи Истиқлоли давлатии Ҷумҳурии Тоҷикистон дар поёни қарни ХХ ташаккули давлатдори миллӣ, асолати худро дарёфтани тафаккури миллӣ, фалсафаи нави давлатдории тоҷикон ба ҳисоб меравад. Маҳз тавассути тафаккури миллӣ халқи тоҷик тавонист ваҳдати миллии хешро ба даст орад. Ваҳдати миллӣ асоси пешрави шукуфони кишвари азизамон гардид.
Тоҷикону тоҷикистониён имрӯз шукрона аз даврони соҳибистиқлолии кишвар мекунанд ва давлату Ҳукумат имрӯз қудрат дорад, ба ҳар гуна хатарҳое, ки ба суботи сиёсии кишвар таҳдид менамоянд, ҷавоби сазовор диҳад. Боиси ифтихор аст, ки имрӯз кишвари биҳиштосои Тоҷикистон дар байни 161 кишвари ҷаҳон ҳамчун кишвари соҳибистиқлол, демократӣ, ҳуқуқбунёд, дунявӣ ва ягона эътироф карда шудааст. Ин нишони он аст, ки Тоҷикистон имрӯз тавонист худро дар як лаҳзаи муайяни давлатдории ҷун ҷузъи ҷудонашавандаи ҷомеаи ҷаҳонӣ муаррифӣ намояд. Исботи ин гуфтаҳои дар боло қайд гардида таҷрибаи сулҳи тоҷикон далели ин гуфтаҳо аст, зеро аз ҷониби кишварҳои ҷаҳон ва созмонҳои бонуфузи байналмилал мавриди омӯзиш қарор гирифтани он барои ҳалли муноқишот дар нуқтаҳои дигари ҷаҳон истифода мешавад.
Барқарории сулҳ ва ризояти миллӣ дар Тоҷикистон боиси тайғироти куллӣ дар ҳаёти сиёсӣ, иқтисодӣ ва фарҳангию маънавии ҷомеа гардида, ба пешрафти иқтисодиёти кишвар такони ҷиддӣ бахшид. Бояд гуфт, ки яке аз омилҳои муҳимтарини таҳкими ваҳдати миллӣ худро ба сифати як ҷузъи миллат амиқан дарк кардан, манфиатҳои олии миллиро аз манфиатҳои шахси боло гузоштан, таъмини ягонаги миллатро вазифаи ҷони худ ва тамоми ҷомеа дониста, дар роҳи ҳимояи манфиатҳои умумимиллӣ сайъу кӯшиш пайваста нишон додан аст.
Мутаассифона, имрӯзҳо дар ҷомеа афродҳое ҳастанд, ки бо терроризму ифротгароӣ алоқамандӣ дорад, пешравиҳои тамоми соҳаҳои мамлакатро нодида гирифта, ба зидди кишвари худ буҳтон мезанад. Асосгузори сулҳу ваҳдати миллӣ-Пешвои миллат, Перезиденти Ҷумҳурии Тоҷикистон муҳтарам Эмомалӣ Раҳмон дар яке аз баромадҳои худ дар байни кишварҳои ҷомеаи ҷаҳони таъкид ва суханронӣ намуда, қайд карда буданд. Терроризм дин, мазҳаб, миллат надорад, ки амалҳои анҷомдодаи гурӯҳҳои террористӣ ва ифротгароӣ ҷомеаро ба нести ва парокандагӣ оварда мерасонад, зеро дар замони муосир авҷ гирифтани фаъолияти террористӣ ҷомеаи ҷаҳониро ба ташвиш овардааст.
Имрӯз низ душманони миллати тоҷик дар хориҷи кишвар қарор дошта, дар байни мардум тухми иғво кошта, сулҳу суботи кишварро халалдор кардани хастанд. Аз ин хотир, вазифаи авалиндараҷаи шаҳрвандони кишвар аз он ҷумла, падарону модарони азиз бояд фарзандони худро дар зери назорати қатъи худ қарор додаву аз амалу рафтори фарзандони худ бохабар бошанд ва фарзандони худро дар руҳияи вадандӯстиву, меҳанпарастӣ тарбия намоян ҳушёрию зиракии сиёсиро дар қалбашон ҷой намоянд. Пайваст барои баланд бардоштан ва соҳибилм гардидани фарзандони худ кӯшиш намоянд, зеро яке аз омилҳои асосии пешгири кардани ҷавонон аз ҳамин гуна гурӯҳҳои террористӣ ва ифротгароӣ ин босавод гардидани ҷомеа ва ҳам насли ҷавон мебошад.
Гиязода Зуҳро,
Сармутахассиси шуъбаи ташкилӣ ва умумӣ Хадамоти муҳоҷират