Бо ибтикори бахши Хадамоти муҳоҷират дар ноҳияи Кӯҳистони Мастчоҳ дар деҳаи Мучдифи Ҷамоати деҳоти ба номи Иван – Точик бо сокинон, аз ҷумла муҳоҷирони дохилӣ ва волидони муҳоҷирони меҳнатии дар хориҷи кишвар қарор дошта, вохӯрии судманд баргузор намуд.
Дар вохӯрӣ ба ҳозирин вобаста ба муҳтавои Паёми имсолаи Пешвои миллат ба Маҷлиси Олии кишвар, соли 2024 эълон гардидани «Соли маърифати ҳуқуқӣ», оиди Қонунҳои Ҷумҳурии Тоҷикистон «Дар бораи тарбияи ватандӯстии шаҳрвандон», «Дар бораи танзиму анъана ва ҷашну маросимҳо», «Дар бораи масъулияти падару модар дар таълиму тарбияи фарзанд» ва дигар қонунҳои амалкунада, оид ба пешгирӣ ва гаравидани ҷавонон ба ҳар гуна ҳизбу ҳаракатҳои иртиҷоӣ, аз ҷумла терроризму экстремизм ва таълимоти ғайриқонунии динӣ суханронӣ намуданд.
Дар баромади худ корманди бахши Хадамоти муҳоҷират дар ноҳия аз таъкидҳои Пешвои – миллат барои роҳнамоии ҷавонон бо роҳи дуруст ва нигоҳ доштани онҳо аз шомилшавӣ ба ҳар гуна ҷараёнҳои номатлуб сухан гуфта, таъкид намуд, ки вобаста ба ин мо аҳли ҷомеа, бахусус ҷавонон бояд пайваста алайҳи чунин равияҳои ифротгароӣ мубориза барем ва барои ҳифзи номус, орияти ватандорӣ, пойдории истиқлолияти давлатӣ, ваҳдати миллӣ ва гироми доштани якпорчагии кишвари азизамон дар роҳи созандагиву бунёдкорӣ ва иттиҳоду хамдилӣ саҳми арзандаи худро гузорем.
Инчунин, қайд карда шуд, ки руйдодҳои охири ҷаҳон, яъне боз ҳам тезу тунд гардидани вазъ дар минтақаҳои гуногуни дунё нишон медиҳад, ки терроризм ва экстремизм ба хатарҳои аввалиндараҷаи ҷаҳони муосир табдил ёфтаанд. Барои мубориза бо чунин амалҳои ноҷавонмардонаи онҳо, ки ба ҳаёти осоиштаи мардум доғ меоваранд, дар заминаи дарки андешаҳои олии ватандӯстона, ки сипари бузург мебошад, бояд дар роҳи ҳифзи сохти конститутсионӣ ва нигоҳ доштани асолати миллӣ, дастаҷамъона амал намоем.
Ҳамзамон чунин як чорабинии судманд дар дехаи Пакшифи Ҷамоати деҳоти Лангар бо сокинон ва муҳоҷирони дохилӣ ва экологӣ вобаста ба эълон гардидани соли 2024 «Соли маърифати ҳуқуқӣ» дар сатҳи баланд гузаронида шуд.
Бахши Хадамоти муҳоҷират дар ноҳияи Кӯҳистони Мастчоҳ минбаъд баҳри пешгирӣ намудани терроризму экстремиз ва дигар ҳизбу ҳаракатҳои ифротӣ пайваста дар байни аҳолӣ ва муҳоҷирони меҳнатӣ вохӯриҳо гузаронида корро дар ин самт боз ҳам ҷоннок менамояд.
Бахши Хадамоти муҳоҷират дар ноҳияи Кӯҳистони Мастчоҳ
