Тибқи нақшаи кории Раёсати Хадамоти муҳоҷират дар вилояти Суғд санаи 25 апрели соли ҷорӣ бо иштироки муовини сардори Раёсати муҳоҷирати дохилӣ ва экологии Хадамоти муҳоҷират Маҳмадуллозода Х.М ва мудири бахши муҳоҷирати дохилӣ ва экологии Раёсати Хадамоти муҳоҷират дар вилояти Суғд Зоҳидов Ҳ.А барои дидан намудан аз мавзеъҳои ба муҳоҷирони дохилӣ ва экологӣ ҷудо шудаи ноҳияи Зафаробод сафари корӣ анҷом доданд.
Намояндагон бо муҳоҷирони дохилӣ ва экологӣ, ки солҳои қабли кӯчида омадаанду то ҳол сохтмони хонаҳояшонро идома дода истодаанд суҳбат намуда дастурҳои муфид доданд.
Аз ҷумла, қайд карданд, ки имрӯз кишвари азизамон Тоҷикистон бо заҳматҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар талош ҳастанд, ки имрӯз шаҳрвандони кишварро хусусан муҳоҷирони дохилию экологӣ ва меҳнатиро зарур аст, ки аз қувваҳои иғвоангезӣ ҷомеа ва гурӯҳҳои террористию экстремистӣ ҳимоят кунанд ва пайваста дар ҳар баромадҳои худ қайд менамоянд, ки ҳар як фарди кишвар пайваста “ҳушёрию зиракӣ, сиёсӣ”-ро аз даст надиҳад то, ки ин гурӯҳҳои ҷинояткор ба сулҳу суббот ва ба оромии кишвар дахолат накунанд.
Бинобар ин ҳар, як шаҳрвандӣ кишвар бояд шукргузорӣ ба ин тинҷию амонӣ ва пойдорим сулҳу субботи кишвар намоянд.
Дар охир намояндагони Хадамоти муҳоҷират аз ҳамаи аъзои оилаҳои муҳоҷирони дохилӣ ва экологӣ даъват намуданд, ки бояд ҷойи зисти худро пеш аз ҳама обод намоянд, ҳамеша сарҷамъ бошанд ва саҳми худро барои пешрафти ҷомеа гузоранд.
Дар навбати худ оилаҳои муҳоҷирон миннатдории худро ба роҳбарияти Вазорати меҳнат, муҳоҷират ва шуғли аҳолии Ҷумҳурии Тоҷикистон ҷиҳати дастгирии ҳамаҷониба расониданд.
Раёсати Хадамоти муҳоҷират дар вилояти Суғд
