Бахши Хадамоти муҳоҷират дар ноҳияи Файзобод дар якҷоягӣ бо  Мақомоти иҷроияи ҳокимияти давлатии ноҳия, бо иштироки  муовини раиси ноҳия Рашидзода Махфират Мансур, ва дигар намояндагони мақомоти ҳокимияти давлатӣ  дар Ҷамоати  деҳоти Бӯстон, дар муассисаҳои таълимии № 27, 33, 28,10, ва 12  бо хонандагон, падару модарон, омӯзгорон, фаъолон ва муҳоҷирони меҳнатии ба ватан баргашта суҳбату вохӯриҳо доир намуданд.

Дар рафти чорабинӣ мудири бахши кор бо занон ва оила Давлатзода  Р.,    сухан намуда, қайд намуд, ки баҳри баланд бардоштани мақому манзалати зан дар ҷомеа, баробарҳуқуқии мардону занон, муаррифӣ кардани ҳунарҳои занони тоҷик дар арсаи ҷаҳонӣ тамоми имкониятҳоро фароҳам овардааст.

Имрӯзҳо, бонувони тоҷик дар соҳаҳои маориф, тандурӯстӣ ва дигар бахшҳои иҷтимоӣ қисми зиёди кормандонро ташкил медиҳанд ва зарур аст, ки баҳри дар тамоми самтҳои фаъолият, аз ҷумла муассисаҳои бонкӣ, хадамоти алоқа, шуғл ва дигар бахшҳои хизматрасонӣ бештар занону духтарон ба кор ҷалб карда шаванд.

Бояд мо занону духтарон барои баланд бардоштани номи зани тоҷик дар тамоми кишварҳо, тарғибу ташвиқ ва тарзи пӯшидани либосҳои миллӣ ҳамеша саҳмгузор бошем. 

Дар даврони соҳибистиқлолӣ ташаббусҳои занон доим дастгири ёфта, бо мақсади амалӣ намудани онҳо тадбирҳои ҷиддӣ андешида мешавад. Оиди ба расмият даровардани никоҳи хешу табори кайд карда гузаштанд.

Дар рафти чорабинӣ мудири бахши Хадамоти муҳоҷират Азизова Б., дар бораи муҳоҷирати меҳнатӣ, қонунҳои амалкунандаи Федератсияи Россия дар самти муҳоҷират, воридгардидани тағийру иловаҳо ба қонун, донистани забон ва қонуну қоидаҳои давлати муҳоҷирпазир, ҳуҷҷатгузорӣ намудани муҳоҷирон дар доираи иҷроиши қонунҳои Федератсияи Россия ва дигар давлатҳои хориҷа, дар муҳоҷиратӣ меҳнатӣ қарор дошта, қайд намуда оиди сафари муҳоҷират намудани фарзандонашон ва сарфаю сариштакории оилаҳои муҳоҷирони меҳнатӣ, риояи Барномаи миллии ташаккули тарзи ҳаёти солим, пешгирии бемориҳои сироятӣ ва ташхису табобати он дар  байни муҳоҷиронӣ меҳнати корҳои фаҳмондадиҳӣ бурда истодаанд.

Инчунин, дар чорабинии мазкур, сармутахассиси бахши кор бо ҷавонон ва варзиш Ҷомаҳмадова Б., баромад намуда, иброз намуд, ки ба Қувваҳои Мусалаҳи Ҷумҳурии Тоҷикистон сафарбар кардани ҷавонон аҳамияти махсус дода, марзубуми ин Ватани муқаддасро нигоҳ бояд дошт. 

Мо ҷавононро  зарур аст, ки баҳри пойдору устувор нигоҳ доштани сулҳу суботи  Ватани азиз,   иштироки ҷавонон дар озмунҳои ҷумҳуриявӣ  ва ширкат варзидан дар стипендияҳои Президентӣ ва ноҳиявӣ, фаъол бошанд. 

Дар фарҷоми чорабинӣ, сармутахассиси шуъбаи маорифи ноҳия Алиева Н., баромад намуда, оиди Қонуни Ҷумҳурии Тоҷикистон  “Дар бораи масъулият барои таълиму тарбияи кӯдак” пӯшидани сару либоси ягона, тозагии синфҳо, робитаи мактаб бо волидайн ва дигар масъалаҳои мубрами рӯз, сухан намуданд. 

Бахши Хадамоти муҳоҷират дар ноҳияи Файзобод