Бо ибтикори Мақомоти иҷроияи ҳокимияти давлатии шаҳри Конибодом бо роҳбарии муовини раиси шаҳр, мулоқоти навбатии гурӯҳи кории мақомот тибқи нақша-чорабиниҳои муштарак дар толори маҷлисгоҳи Ҷамоати деҳоти Патари шаҳри Конибодом бо сокинони маҳаллаҳои Дӯстӣ, Ғалаба, Нурафшон ва Деҳқонобод бо муҳоҷирони ба ватан баргашта, фаъолон, занҳои хонашин, вохӯрии судманд баргузор гардид.
Дар вохӯри муовини Раиси шаҳр – Раҳмонзода Гулчеҳра, мудири шуъбаи ҳифзи иҷтимоӣ ва робита бо ҷомеа – Маҳмудов Баҳодур, мудири бахши Хадамоти муҳоҷират – Толибова Фарзона, мудири бахши ҷавонон – Урунов Мақсуд, сармутахассиси бахши дин, танзим, анъана ва ҷашну маросимҳо – Зоҳидов Санҷар, сармутахассиси шуъбаи кор бо занон ва оилаи шаҳр – Исмоилов Наргис, котиб-сармутахассис оид ба васояту парастории кӯдак – Шокирова Фарида, сармутахассис – мушовири шуъбаи маорифи шаҳр – Орифӣ Зайнура ва директори ташаккули тарзи ҳаёти солим – Қурбонова Тахмина иштирок ва суханронӣ намуданд.
Баромадкунандагон доир ба масъалаҳои мубрами рӯз, талаботҳои нави қонунгузории Федератсияи Россия дар самти муҳоҷирати меҳнатӣ, тартиб ва мақсади воридшавӣ, дар муҳлати муқарраргардида ҷамъовари ва пешниҳод намудани ҳуҷҷатҳои зарурӣ ба ВКД ФР оид ба муҳоҷирати минтақавӣ, гирифтани патент ва риояи будубош, шомилшавии ҷавонон ба ҳизбу ҳаракатҳои ифротӣ, ҷинояткорӣ, аз ҷониби наврасону ҷавонон ва баланд бардоштани тарбияи ватандӯстии ҷавонон, татбиқи Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳо дар Ҷумҳурии Тоҷикистон», «Муқовимат ба савдои одамон» ва дастовардҳои даврони соҳибистиқлолӣ, тарбияи ҳарбӣ – ватанпарасти наврасону ҷавонон, оилаву оиладори ва ғайраҳо ҳарф заданд.
Дар идома қайд гардид, ки асоси ҳамаи ин масалаҳои муҳим ҷомеаро, пеш аз ҳама тарбияи оила ва ҳидояти дурусти падару модар, тарбияи омӯзгор ташкил медиҳад.
Баромадкунандагон вобаста ба самти фаъолияташон, аз ҷумла омилу сабабҳои ҷудошавии оилаҳои ҷавонон, пешгирии ҷинояткории занон, таҳлилу андешаҳои судманд намуданд.
Қайд гардид, ки ба варзиш ҷалб намудани фарзандон аз ҷониби волидайн иқдоми хуб мебошад.
Ҳамин тавр мулоқот бо саволу ҷавобҳо ва суханрониҳои хотирмон анҷом пазируфт.
Раёсати Хадамоти муҳоҷират дар вилояти Суғд
