Тибқи Нақшаи чорабиниҳои муштарак дар деҳаҳои ноҳияи Варзоб таҳти роҳбарии муовинони раиси ноҳия Хоҷазода Фарзона Ҳамдам ва Ҳусейнзода Сироҷиддин Бобо вохӯриҳои судманд бо сокинону фаъолони ҳизб, хонандагони муассисаҳои таълимӣ, муҳоҷирони меҳнатӣ ва аъзои оилаи онҳо баргузор гардид, ки дар рафти вохӯриҳо узви Кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот Шерализода Муҳамадулло Умар, раиси Кумитаи иҷроияи Ҳизби Халқии Демократии Тоҷикистон дар ноҳияи Варзоб Қосимзода Маҳтоб Пир, намояндаи Кумитаи давлатии амнияти миллии Ҷумҳурии Тоҷикистон дар ноҳия, сардори шуъбаи Агентии меҳнат ва шуғли аҳолӣ Зокиров Насрулло, мудири шуъбаи маориф Ҷафарзода Насриддин Файзулло, мудирони бахшҳои Хадамоти муҳоҷират Олимзода Орифҷон Олим, кор бо ҷавонон ва варзиш Фаррухи Абдуқодир, сайёҳӣ Муродзода Фурқат, кор бо занон ва оила Саидова Назира, котиби Комиссияи мақомоти васояту парастории мақомоти иҷроия Шарипов Шаҳбоз ва дигар шахсони мутасаддӣ иштирок намуда, оид ба масъалаҳои мубрами рӯз суханронӣ намуданд.

Инчунин, хотиррасон менамоем, ки дар ин гурӯҳҳои корӣ намояндагон ҷамоатҳои шаҳрак ва деҳот, кумитаҳои маҳаллаҳо ва имомхатибони масҷидҳои ҷомеъ ва панҷвақта ширкат варзиданд.

Зимни мулоқот баромадкунандагон атрофи омодагиҳо ба истиқболи ҷашни 35-солагии Истиқлоли давлатии Ҷумҳурии Тоҷикистон, риояи талаботи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», фаъол гардонидани волидайн дар раванди амалишавии Қонуни Ҷумҳурии Тоҷикистон «Дар бораи масъулият барои таълиму тарбияи кӯдак», дар самти татбиқи «Стратегияи танзими равандҳои муҳоҷират дар Ҷумҳурии Тоҷикистон барои давраи то соли 2040», оид ба будубоши муҳоҷирони меҳнатии шаҳрвандони Ҷумҳурии Тоҷикистон дар Федератсияи Россия ва дигар давлатҳои қабулкунанда, оид ба Қонуни Федералӣ «Дар бораи тартиби даромад ба Федератсияи Россия ва баромад аз ҳудуди Федератсияи Россия», дуруст танзим кардани раванди муҳоҷирати аҳолӣ ба хориҷ, оид ба рӯйхати шахсони назоратшаванда (зиёда аз 120 ҳазор шаҳрванди Ҷумҳурии Тоҷикистон ҳамчун қонунвайронкунанда ба қайд гирифта шудаанд), ки аз ҷониби Вазорати корҳои дохилии Федератсияи Россия омода гардидааст, пешгирии шомилшавии ҷавонон бахусус, муҳоҷирон ва ҷавонони дар хориҷ таҳсилдошта, ба гурӯҳҳои ғайриқонунӣ, аз даст надодани зиракии сиёсӣ дар муҳоҷирати меҳнатӣ, муқовимат бо коррупсия, сафарбар кардани ҷавонон ба сафи Қувваҳои Мусаллаҳи Ҷумҳурии Тоҷикистон, атрофи самараноку оқилона истифода бурдани нерӯи барқ ва пардохти саривақтии истифодаи он, самаранок истифода бурдани қитъаҳои замин, кишти зироатҳои кишоварзӣ ва дар ҳар як оила захира намудани маводҳои ғизоӣ барои на камтар аз ду сол, пешгирии шомилшавии ҷавонон ба ҳизбу ҳаракатҳои иртиҷоӣ, сабабҳои асосии гароиши насли наврас ва ҷавонон, чораҳои пешгирикунӣ бо баланд бардоштани сатҳи маърифатнокии насли наврас ва оила, баргузории чорабиниҳои гуногуни маданиву равшаннамоӣ, пур кардани мафкураи оилаҳои ҷавон ва кӯдакону ҷавонон бо ақидаҳои ватандӯстонаву илму фарҳанг, истифодаи самараноки шабакаҳои иҷтимоӣ ва зери назорати махсус қарор додани тарбияи фарзандон ва фарогирии аҳолӣ бо касбомӯзӣ ибрози андеша намуданд.

Дар ин раванд, аз тарафи масъулин ба сокинони ноҳия варақаҳои иттилоотӣ дар мавзуъҳои гуногун дастрас гардид. 

Дар фарҷоми вохӯриҳо аз ҷониби иштирокчиён оид ба мавзуъҳои матраҳшуда, саволу ҷавоб ба роҳ монда шуд.

Дар ин асно, қайд менамоем, ки масъулин аз муассисаҳои таълимӣ, китобхона, заминҳои наздиҳавлигӣ ва хоҷагиҳои деҳқоӣ боздид ба амал оварданд.

Ҳамзамон ёдрас менамоем, ки аз ҷониби гурӯҳи корӣ корҳои фаҳмондадиҳӣ бо аҳолӣ пайваста ба роҳ монда шуда, тамоми самтҳои афзалиятноки ҷомеа ба шаҳрвандон саҳеҳ ва муфассал расонида мешавад.

Илова бар ин, зикр кардан ба маврид аст, ки Мақомоти иҷроияи ҳокимияти давлатии ноҳияи Варзоб баҳри иҷрои самарабахши дастуру супориш ва ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати таъмини рушди бонизоми соҳаҳои гуногун дар ноҳия тадбирҳои ҳадафмандро пайваста роҳандозӣ менамоянд.

Орифҷон Олимзода,

Мудири бахши Хадамоти муҳоҷират дар ноҳияи Варзоб