Тибқи нақшаи муштараки сохторҳои дахлдори Мақомоти иҷроияи ҳокимяти давлатии ноҳияи Темурмалик бо иштироки гурӯҳи тарғиботӣ таҳти роҳбарии муовини раиси ноҳия Айниддин Аслиддин, намояндаи КДАМ дар ноҳия, раиси КИ ҲХДТ Раҷабзода Маҳмасаид, мудирони бахши Хадамоти муҳоҷират Сафарзода Баҳодур, ҷавонон ва варзиш Нимзода Муҳаммадҷон, муовини Сардори ШВКД дар ноҳия Мирасов Акобир ва раиси Ҷамоати шаҳраки Баҳманруд Икромзода Суҳроб мулоқоти судманд бо сокинони маҳаллаи Ҳамровиёи Ҷамоати шаҳраки Баҳманруд баргузор гардид.
Дар рафти он аъзои гурӯҳи тарғиботи оид ба муҳтавои Паёми Президенти Ҷумҳурии Тоҷикистон, баланд бардоштани маърифати ҳуқуқии шаҳрвандон, пешгирии шомилшавии ҷавонон ба гурӯҳҳои ифротӣ, терроризм экстремизм, таълимоти ғайрирасмии динӣ, ҷалби ҷавонон ба сафи Кувваҳои мусаллаҳи Ҷумҳурии Тоҷикистон, пешгирии зуроварӣ дар оила, номзадшавии бармаҳал, ҷудошавии оилаҳои ҷавон, ба касбу ҳунаромӯзӣ фаро гирифтани занону духтарон, оиди фарҳанги бегона, тарғиби фарҳанги миллӣ, суиқасд ба ҷони худ, пешгирии бемориҳои сироятӣ, тозаву озода нигоҳ доштани маҳалӣ зист, тарзи истифодаи телефонҳои мобилӣ, иҷрои Қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак”, “Дар бораи танзиму анъана ва ҷашну маросим дар Ҷумҳурии Тоҷикистон”, оид ба вазъи муҳоҷирони ноҳияи Темурмалик, ки дар Федератсияи Россия фаъолияти меҳнатӣ доранд, бо ҷойҳои холии корӣ таъмин намудани муҳоҷирони ба ватан бозгашта ва дигар масъалаҳои мубрами рӯз, суханронӣ намуданд.
Аз ҷумла, зимни мулоқот бо сокинони Ҷамоати деҳоти шаҳраки Баҳманруд муҳтаво ва нуктаҳои мубрами Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024 расонида шуданд.
Дар вохӯрӣ гуфта шуд, ки Президенти Ҷумҳурии Тоҷикистон бо қаноатмандӣ иброз доштанд, ки бо шарофати заҳмати содиқонаи мардуми мамлакат раванди созандагию ободкорӣ идома ёфта, нақшаю барномаҳои пешбинигардида барои таъмин намудани рушди устувори иқтисоди миллӣ ва баланд бардоштани сатҳу сифати зиндагии сокинони мамлакат ҳадафмандона амалӣ шуданд.
Иброз гардид, ки Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ҳуҷҷати стратегӣ буда, иҷрои он омили пешравии босуръати иқтисодию иҷтимоӣ ва фарҳангии мамлакат мебошад. Ҷавонон ояндаи давлату миллат, қувваи пешбарандаи ҷомеа ва захираи стратегии давлату Ҳукумати мамлакат ба ҳисоб мераванд, аз ин рӯ волидон, омӯзгорон ва аҳли ҷомеаро зарур аст, ки ба тарбияи дурусти онҳо таваҷҷуҳи хосса зоҳир намоянд. Ҷавононро чунон бояд тарбия намуд, ки дар дигаргунсозиҳои ҷомеаи навин боз ҳам фаъолона иштирок карда, дар муаррифии давлати миллӣ, ҳифзи арзишҳои истиқлолият ва рушди Тоҷикистон бештар саҳм гузоранд.
Раёсати Хадамоти муҳоҷират дар вилояти Хатлон
