Дар доираи Нақшаи – чорабиниҳои муштарак ва дар самти ба роҳ мондани корҳои фаҳмондадиҳӣ оиди муҳтавои паёми Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 28 декабри соли 2024 ироа гардида, доир ба масъалаҳои пешгирии омилҳои номатлуби ифротгароӣ, терроризму экстеремизм, тақлиди фарҳанги бегона, худкушӣ, хариду фурӯши одамон, муҳоҷирати меҳнатӣ, баланд бардоштани ҳисси ватандӯстӣ, ташаккули худшиносиву зиракии сиёсӣ, арҷгузорӣ ба муқаддасоти давлат ва хизмат дар сафи Қувваҳои Мусаллаҳи Ҷумҳурии Тоҷикистон, ҳифзи арзишҳои фарҳанги миллӣ, нашъамандию, нашъаҷалобӣ, тарғиби тарзи ҳаёти солим, пешгирии ҷудошавии оилаҳои ҷавон, чораҳои зиддибуҳрониву муқовимат ба омилҳои коррупсионӣ, ташвиқи китобхониву китобдӯстӣ ва дар амал татбиқ намудани қонунҳои Ҷумҳурии Тоҷикистон «Дар бораи танзиму анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар тарбияи кӯдак», «Дар бораи озодии виҷдон ва иттиҳодияҳои динӣ» ва саҳмгузорӣ дар ободонию созандагӣ бахшида ба ҷашни 35 – солагии Истиқлоли давлатии Ҷумҳурии Тоҷикистон бахши Хадамоти муҳоҷират дар ноҳияи Файзобод дар ҳамбастагӣ бо Мақомоти иҷроияи ҳокимияти давлатии ноҳия, бо иштироки муовини аввали раиси ноҳия Саидзода Аскар Фатҳулло, дар Ҷамоатҳои деҳоти Чашмасор, Қалъаи Дашт ва Ҷамоати шаҳраки “30 – солагии Истиқлол” бо иштироки васеи сокинони ҷамоатҳои мазкур доир карда шуд.
Зимни баромади худ муовини аввали раиси ноҳия Саидзода Ф., қайд намуданд, ки Паём – роҳнамо ва дастури кории ҳар яки мо маҳсуб ёфта, дастурамалеро мемонад, ки дурнамои фаъолияти моро муайян мекунад. Қайд карданд, ки ҳадафи олии давлат ва Ҳукумати мамлакат таъмин намудани рушди устувори иқтисодии кишвар тавассути баланд бардоштани самаранокии истифодаи захираву имкониятҳои мавҷуда, дарёфти манбаҳои нави рушд, тараққӣ додани соҳаҳои илми маориф, тандурустӣ, инкишофи нерӯи инсонӣ ва бо ҳамин роҳ мунтазам беҳтар кардани сатҳу сифати зиндагии мардуми шарифи Тоҷикистон мебошад.
Паёми Пешвои миллат, ки самтҳои асосии сиёсати дохилию хориҷии мамлакатро дар бар гирифта талаботҳои асосии он – пешбурди манфиатбори сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзи иҷтимоии аҳолӣ, ҷавонон варзиш ва сайёҳӣ ва дигар масъалаҳои мубрами рӯз, сухан гуфтанд.
Азизов Абдулло иҷрокунандаи мудиришубаи маорифи ноҳия, оид ба “Паёми Президенти Ҷумҳурии Тоҷикистон аз 28 декабри соли 2024 “Дар бораи самтҳои асосии сиёсати дохилию хориҷии Ҷумҳурии Тоҷикистон” ва ҷиҳати иҷрои қонунҳои Ҷумҳурии Тоҷикистон “Дар бораи масълулият барои таълиму тарбияи кӯдак”, “Дар бораи танзими ҷашну маросимҳо дар Ҷумҳурии Тоҷикистон”, “ Дар бораи забони давлатии Ҷумҳурии Тоҷикистон” ва бо забономӯзӣ фаро гирифтани фарзандон ва инчунин, ҷиҳати эълон гардидани солҳои 2025-2030 “Солҳои рушди иқтисоди рақамӣ ва инноватсия”, дар бораи рушди соҳаи иҷтимоӣ дар сиёсати давлатии Тоҷикистон мақоми хоса дошта, барои дастгирии соҳаи иҷтимоӣ ва баланд бардоштани сатҳу сифати хонандагон, сухан намуд.
Азизова Басонат – мудири бахши Хадамоти муҳоҷират дар ноҳия диққати ҳозиринро нисбати ворид гардидани тағйироту иловаҳо дар қонунҳои амалкунандаи Федератсияи Россия дар самти муҳоҷирати меҳнатӣ, ки аксарияти шаҳрвандони ноҳия ба муҳоҷират мераванд, ҷалб намуд.
Қайд гардид, ки айни замон 124 ҳазор сокинони кишвар дар ин давлати муҳоҷирпазир бо сабаби пурра ба расмият надаровардани ҳуҷҷатҳои худ зери назорат қарор доранд. Маслиҳат дода шуд, ки алоқа бо фарзандону наздикон ҷиҳати бартараф намудани ин мушкилот, мусоидат намоянд.
Давлатзода Раъно – мудири бахши кор бо занон ва оила зимни суханронӣ, оид ба сиёсати давлатии Тоҷикистон дар самти ҳифзи иҷтимоии оила, модару кӯдак ва мавқеи зан дар ҷомеа, суханронӣ намуд.
Қайд гардид, ки ғамхории ҳамаҷониба ба ҳифзи иҷтимоӣ оила, дастгирии иштироки занҳо дар пешбурди зиндагӣ, кору фаъолият, рушди соҳибкорию ҳунармандӣ ва дигар самтҳо фаъолият назаррас мебошад.
Бахши Хадамоти муҳоҷират дар ноҳияи Файзобод
