Бахши Хадамоти муҳоҷират дар ноҳияи Ҷаббор Расулов мувофики ҷадвали баргузории корҳои иттилоотӣ-фаҳмондадиҳӣ якҷоя бо шуьбаи Агентии меҳнат ва шуғли ахолӣ ва КИ ҲХДТ дар ноҳия дар ҷамоатҳои шаҳраку деҳоти ноҳия бо сокинон вохӯриву мулоқотҳо гузаронида истодааст.
Чунин, як вохӯрӣ дар Ҷамоати деҳоти Ғулакандоз маҳаллаи №1 шарҳу тавзеҳи Паёми навбатии Пешвои миллат Президенти Ҷумҳурии Тоҷикистон муҳтарам Эмомалӣ Раҳмон, ки санаи 28-уми декабри соли ҷорӣ баргузор шуда буд, ироа гардид.
Дар рафти он масъалаҳои шомилшавии шаҳрвандон ба ҳизбу ҳаракатҳои экстремистӣ-террористӣ, таҳсилоти ғайриқонунии динӣ дар хориҷи кишвар, риояи талаботҳои конунҳои Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ва “Дар бораи масъулият барои таълиму тарбияи кӯдак”, мустаҳкам намудани ҳамкорию ҳамоҳангсозӣ бо чомеаи шаҳрвандӣ баҳри ҳимояи амният, ваҳдати миллӣ, сулҳу субот, волоияти қонун ва оромиву осудагии кишвари маҳбубамон андешаронӣ карданд.
Чорабинӣ дар фазои озод сурат гирифта аз тарафи ҳозирин бо кафкубӣ мавриди ҷонибдори аз сиёсати пешгирифтаи Роҳбари давлат ва Ҳукумати Ҷумҳурии Тоҷикистон қарор дода шуд.
Раёсати Хадамоти муҳоҷират дар вилояти Суғд
