Бо ташаббуси бахши Хадамоти муҳоҷират дар ноҳияит Зафаробод вохӯрии судманд бо муҳоҷирони меҳнатии ба ватан бозгашта баргузор гардид, ки дар он оид ба муҳоҷирати бехатар, шомилшавии шаҳрвандон ба ҳизбу ҳаракатҳои ифротгароӣ, одамрабоӣ, истифодаи намудҳои бадтарини меҳнати кӯдак ва дигар масъалаҳои мубрами рӯз, суханронӣ намуданд.

Ҳадафи асосии гузаронидани чорабинӣ ин огоҳ намудани шаҳрвандон дар бораи ҷанбаҳои муҳими қонунгузории муҳоҷират, пешгирии муҳоҷирати ғайриқонунӣ, саривақт тарк намудани кишвари будубош баъд аз анҷоми муҳлати раводид ва хатарҳои эҳтимолии вобаста ба муҳоҷират мебошад.

Дар рафти суҳбат ба сокинони ноҳия, доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, гирифтани Патент, тартиби дар қайди ҷойи истиқомат гузоштани шаҳрвандони хориҷа, тарзи бастани шартномаи меҳнатӣ, ҳуқуқ ва уҳдадориҳои корфармо ва коргар фаҳмонида шуд.

Аз ҷумла, қайд карданд, ки дар ҳолати зарур набудан ба қаламрави Федератсияи Россия сафар накунанд, инчунин доир ба истифодаи дурусти шабакаҳои иҷтимоӣ якчанд дастур доданд, ки тариқи телефонҳои мобилӣ низ ба гурӯҳҳое, ки оиди дуруст ё нодуруст буданаш маълумот надоранд шинос нашаванд ва фирефтаи нафарони бадхоҳ ва душманони миллат нагарданд.

Бояд қайд кард, ки чунин чорабиниҳои судманд дар дигар шаҳру ноҳияҳои вилояти Суғд бо муҳоҷирони меҳнатии ба ватан бозгашта ва аъзои оилаи онҳо баргузор карда мешавад.

Раёсати Хадамоти муҳоҷират дар вилояти Суғд