Бо ташаббуси бахши Хадамоти муҳоҷират дар ноҳияи Спитамен вобаста ба пешгирӣ ва шомилшавии шаҳрвандон ба ҳизбу ҳаракатҳои ифротӣ, экстремистию террористӣ, одамрабоӣ, муборизаи дастаҷамъона бо коррупсия, баланд бардоштани маърифати зиддикоррупсионии аҳолӣ, пешгирии муҳоҷирати ғайрирасмӣ дар байни аҳолӣ таҳия шудааст, дар ин бора мунтазаам корбариро ба роҳ мемонад.
Чунин, як вохӯрии судманд, санаи 21 феврали соли ҷорӣ дар ҳудуди ноҳия, вобаста ба масъалаҳои болозикргардида, корҳои фаҳмондадиҳӣ баргузор гардид.
Дар рафти чорабинӣ мудири бахши Хадамоти муҳоҷират Уринбоев Б., шаҳрвандонро оид ба муҳтавои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 28 декабри соли 2024 ба Маҷлиси олии Ҷумҳурии Тоҷикистон ва мардуми Ҷумҳурии Тоҷикистон ироа гардида буд, суханронӣ намуда, таъкид намуд, ки ҷомеъаи кишвар бо роҳнамоиҳову ҳидоятҳои Пешвои худ дар расидан ба рушди ҳадафҳои давлату миллат комёб шуда истодааст.
Ҳамзамон, дар рафти вохӯрӣ доир ба масъалаҳои доғи рӯз, мубориза бар зидди коррупсия, муқовимат ба савдои одамон ва ба масъалаҳои муҳоҷирати бехатар, ҷиҳати пешгирӣ ва шомилшавии ҷавонон ба ҳизбу ҳаракатҳои номатлуб ва мубориза алайҳи терроризм ва экстремизм андешаронӣ намуд.
Раёсати Хадамоти муҳоҷират дар вилояти Суғд
