27 феврали соли равон, дар синфхонаи МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Душанбе озмуни ҷойи холии корӣ дар давлати Арабистони Саудӣ бо иштироки намояндаи ширкати Аркои Арабистони Саудӣ Муҳаммад ал – Намр баргузор гардид.
Тавре аз Марказ иттилоъ доданд, пеш аз оғози озмун Сардори Хадамоти муҳоҷират Нодирзода Иматшо бо шаҳрвандони хоҳишманд суҳбат намуда, онҳоро барои баланд бардоштани обрую эътибори Ҷумҳурии Тоҷикистон дар давлати хориҷа бо меҳнатӣ ҳалол ва ҳисси баланди ватанпарастӣ ҳидоят намуд. Бояд гуфт озмун ду рӯз идома кард, зиёда аз 50 нафар шаҳрвандони хоҳишманд аз ҷониби ширкати Аркои Арабистони Саудӣ дар синфхонаи марказ дар шакли суҳбати рӯ ба рӯ бо кордиҳанда баргузор гардид. Нафароне, ки озмунро бо муваффақият гузаштанд, раводиди кории 2 сола аз ҷониби корфармо дода мешавад. Шаҳрвадони ҷумҳурӣ метавонанд, ба ҳайси хизматрасон дар меҳмонхонаҳо ва пешхизмат дар тарабхонаҳо, инчунин дар чорабиниҳои давлатӣ Арабистони Саудӣ иштирок намоянд.
Бояд қайд кард, ки озмун бо кордиҳанда бо забони англисӣ ва арабӣ сурат гирифт. Махсус бояд қайд кард, ки шаҳрвандони интихобшуда, бо ҷойи хоб, се вақт хӯрока ва чиптаи ҳавопаймо (билет) аз ҷониби корфармо дода мешавад.
Шартҳои озмун: сину сол аз 21 то 35 сола, донистани забони англисӣ ё арабӣ, музди меҳнат 2500 риёл, (7000 сомонӣ), надоштани доғи судӣ.
Суроға шаҳри Душанбе, ноҳияи Шоҳмансур, кӯчаи С. Айнӣ 121, телефон барои маълумот: 225-05-75; 225-02-21
Маркази матбуоти Хадамоти муҳоҷират
