Бахши Хадамоти муҳоҷират дар ноҳияи Спитамен якҷоя бо шуъбаи рушди иҷтимоӣ мақомоти иҷроияи ҳокимияти давлатии ноҳия дар Ҷамоати деҳоти Сарбанд деҳаи Сариосиё вохӯрӣ бо аҳолӣ, муҳоҷирони меҳнатии ба ватан бозгашта ва аъзои оилаи онҳо баргузор намуд.
Дар вохӯрӣ Уринбоев Б., – мудири бахши Хадамоти муҳоҷират, Ибрагимова Юлдуз – Раиси Ҷамоати деҳоти Сарбанд иштирок ва суханронӣ намуданд.
Баромадкунандагон таъкид намуданд, ки таҳти сиёсати хирадмандона ва бунёдкоронаи Пешвои миллат муҳтарам Эмомалӣ Раҳмон Ҷумҳурии Тоҷикистон торафт зебову шукуфон гашта ба сокинонаш шароити хуби кору фаъолият ва зиндагии осоишта фароҳам оварда шуд. Зикр шуд, ки аҳолии мамлакат, аз ҷумла ҷавононро месазад дар партави сиёсати Сарвари давлат. муҳтарам Эмомалӣ Раҳмон иқдомоти созандаро пеш гирифта, ба ҳар гуна фиребу найранг ва ҳизбу ҳаракатҳои ифротгарои руй наоваранд. Ҳушёрии сиёсиро аз даст надиҳанд ва барои ватану сарзаминамон хизмат намоянд.
Зикр карда шуд, ки имрузҳо дар дунё ба миқдори зиёд гурӯҳҳои ғайриқонунии террористӣ ташкил гардид, онҳо фаъолияти хешро паҳн намуда истодаанд ва мақсади асосии онҳо ин ноором намудани вазъ бо истифода аз ғояҳои экстремистӣ ва ҷалби бештари пайравон дар сартосари ҷаҳон мебошад. Дар шароити замони муосир ҳаракатҳо ва гурӯҳҳои ашхоси тундгаро хеле зиёд шуда истодааст.
Муқовимат бо савдои одамон ва расонидани кумак ба қурбониёни савдои одамон ҳамавақта зери назорати давлату Ҳукумат буда, дар амал татбиқ намудани талаботҳои Қонунҳои Ҷумҳурии Тоҷикистон “Дар бораи ҷашну маросим дар Ҷумҳурии Тоҷикистон”, “Дар бораи масъулият барои таълиму тарбияи кӯдак” ва Фармони Президенти Ҷумҳурии Тоҷикистон аз 3 августи соли 2021, №222 “Дар бораи Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” ҳар як фарди ҷомеаи имрӯза аст. Аз ин рӯ, мо бояд ҳушёриву зиракии сиёсиро аз даст надода, фирефтаи гумроҳи чунин ниятҳои нопоки ҳизбу ҳаракатҳои тундрав нагардида, ҷавононро ҳушдор созем, то ба онҳо шомил нагарданд.
Дар суханронии худ Уринбоев Б., – оид ба тағйироту иловаҳо ба қонунгузории нави Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, ёрии тиббӣ расонидан ба шаҳрвандони хориҷӣ дар қаламрави Федератсияи Россия, гирифтани Патент, тартиб додани шартномаи меҳнатӣ, танҳо бо шиносномаи хориҷӣ ворид шудан, дар алоҳидагӣ иброз намуд.
Вобаста ба ин, аз тамоми шаҳрвандони Ҷумҳурии Тоҷикистон хоҳиш карда шуд, ки ба миёнаравон муроҷиат накарда, танҳо ба намояндагиҳои расмии Тоҷикистон дар дохили Ватан ва Федератсияи Россия муроҷиат намоянд. Дар ин ҷода кайд намудан ҷоиз аст, ки расонидани кӯмаки ҳуқуқӣ ҷиҳати муайян намудани вазъи будубоши шаҳрвандон, аз ҷониби намояндагиҳои Ҷумҳурии Тоҷикистон ройгон мебошад. Ҳар як муҳоҷири меҳнатӣ барои муайян намудани вазъи ҳуқуқии худ аз сомонаҳои расмии Вазорати меҳнат, муҳоҷират ва шуғли аҳолии Ҷумҳурии Тоҷикистон mehnat.tj, саҳифаи телеграм t.me/mlmert, Хадамоти муҳоҷират migration.tj, Намояндагии Вазорат дар Федератсияи Россия оид ба муҳоҷират prmstj@mail.ru истифода намоянд.
Раёсати Хадамоти муҳоҷират дар вилояти Суғд
