Бо ибтикори шуъбаи Хадамоти муҳоҷират дар шаҳри Исфара дар деҳаи Зархоки Ҷамоати деҳоти Хонобод бо иштироки фаъолону сокинони ҷамоат, раисони маҳаллаҳо, имомхатибон ва оилаҳои муҳоҷирони меҳнатӣ, бо иштироки зиёда аз 120 нафар шаҳрвандон, вохӯрӣ баргузор гардид. Мулоқотро муовини раиси шаҳри Исфара Зиёваддинзода С., ҳусни ифтитоҳ бахшида мақсади гузаронидани чорабиниро баён намуд.
Дар чорабинии мазкур аз тарафи сардори шуъбаи Хадамоти муҳоҷират дар шаҳри Исфара Ахмедов М., дар бораи расонидани муҳтавои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, рафти иҷрои “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025”, Қонунҳои Ҷумҳурии Тоҷикистон “Дар бораи масъулият дар таълиму тарбияи кӯдак”, “Дар бораи танзими ҷашну маросим дар Ҷумҳурии Тоҷикистон”, “Дар бораи озодии виҷдон ва иттиҳодияҳои динӣ”, фармони Президенти Федерасияи Россия аз 28 апрели соли 2024, №272 “оид ба ворид намудани тағйиру илова ба фармони Президенти Федерасияи Россия аз 30 декабри соли 2024, №1126”, пешгирии ҷинояткорӣ, даст ба худкушӣ задани шаҳрвандон, шомилшавӣ ба ҳизбу ҳаракатҳои мамнуъ, хурофотпарастӣ, таълимоти ғайрирасмии динӣ, даъвати ҷавонписарон ба сафи Қувваҳои Мусаллаҳи Ҷумҳурии Тоҷикистон, баланд бардоштани ҳуввияти миллӣ ва маърифати ҳуқуқии шаҳрвандон, тақвият бахшидани корҳои ободониву созандагӣ дар маҳалли зист бахшида ба таҷлили 35 – солагии Истиқлоли давлатии Ҷумҳурии Тоҷикистон, тағйиру иловаҳо ба Кодекси ҳуқуқвайронкунии маъмурӣ ва ҷиноятии Ҷумҳурии Тоҷикистон дар бораи истифодаи ғайри қонунии қувваи барқ, пешгирии шомилшавии ҷавонон ба ҳизбу ҳаракатҳои номатлуб ва мубориза алайҳи терроризм ва экстремизм, хусусан дар муҳоҷират, эҳтиёт шудан аз бемориҳои сироятӣ, роҳ надодан ба нақзи ҳуқуқу ӯҳдадориҳои шаҳрвандони кишвари қабулкунанда, риояи талаботҳои қонунгузории кишвари мазкур, инчунин вобаста ба масъалаҳои бо ҷойи кор таъмин намудани муҳоҷирони манъгашта дар ҶСК “НБО Роғун” суханронӣ намуд.
Дар поёни вохӯрӣ ба саволҳои сершумори иштирокдорон посухҳои мушаххас дода шуд.
Раёсати Хадамоти муҳоҷират дар вилояти Суғд
