Бо ташаббуси шуъбаи Хадамоти муҳоҷират дар шаҳри Хуҷанд бо муҳоҷирони баватан бозгашта вохӯрии судманд баргузор гардид.
Дар вохӯрии навбатӣ ба ҳозирин Фармони Президети Федератсияи Россия аз 30.12.2024 шаҳрвандони хориҷие, ки маълумот дар бораи онҳо ба феҳристи шахсони назоратшаванда ворид карда мешавад, бояд ихтиёран аз қаламрави Федератсияи Россия бароянд ё аз 1 январ то 10 сентябри соли 2025 бояд ҳолати ҳуқуқии худро ба танзим дароранд. Ба танзимдарории ҳолати ҳуқуқии шаҳрванди хориҷӣ дар он ҳолат анҷом меёбад, агар шаҳрванд:
- Индефикатсияи маълумоти биометрии шахсиро гузашта бошад;
- Ташхиси тиббиро гузашта бошад;
- Ҳуҷҷати тасдиқкунандаро оид ба донистани забони русӣ, таърихи Россия ва асосҳои қонунгузории Федератсиями Россия пешниҳод намуда бошад;
- Ҳамаи қарзҳои молиявиро ихтиёран супорида бошад;
- Нисбати чунин шаҳрванд асос барои надодани патент ё беэътиборнок донистани он, Ичозатномаи зисти муваққатӣ (РВП) ва ё Иҷозати иқомаит (ВНҶ) вуҷуд надошта бошад.
Барои дастрас намудани маълумоти мухтасар доир ба ин масъала, ҳатман бояд ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия бо рақами телефони +7(495)967 98 44 занг занед ё ба +7 (999)912 58 68 – Whatsapp нависед.
Инчунин, дар суҳбат бо шаҳрвандон – муҳоҷирони меҳнатӣ, доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, ёрии тиббӣ расонидан ба шаҳрвандони хориҷӣ дар қаламрави Федератсияи Россия, гирифтани Патент, тартиб додани шартномаи меҳнатӣ, танҳо бо шиносномаи хориҷӣ ворид шудан, шомил нашудан ба ҳизбу ҳаракатҳои ифротгароӣ, экстремизм ва терроризм ва муқовимат ба савдои одамон ва расонидани кумак ба қурбониёни савдои одамон, суханронӣ намуда, ба ҳар яки онҳо дастурамали мухтасар оиди муҳоҷирати меҳнатӣ, брошюраҳо, варақаҳои иттилоотӣ-маърифатӣ тақсим карда шуд.
Ҳамзамон, бо ибтикори бахши Хадамоти муҳоҷират дар шаҳри Конибодом вохӯрии судманд бо фаъолон ва сокинони маҳаллаи «8 Март»-и шаҳри Конибодом, ки қисми онҳо муҳоҷирони ба ватан бозгашта мебошанд, чорабинии судманд баргузор гардид.
Раёсати Хадамоти муҳоҷират дар вилояти Суғд
