Бо ибтикори шуъбаи Хадамоти муҳоҷират дар шаҳри Кӯлоб вохӯрии навбатии саривақтӣ бо сокинони деҳаҳои Офтоблиқо ва Сарёзии миёнаи ҷамоати деҳоти Зиракӣ, баргузор гардид.
Дар вохӯрӣ мутахассисони шуъбаи Хадамоти муҳоҷират дар шаҳри Кӯлоб Сафаров А,, Тағоев Б., ва раиси маҳаллаи Офтоблиқо Бозоров Х., ба ҷамъомадагон вобаста ба иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон, ки аз Паёми ҳамасолаашон ба Маҷлиси Олии Ҷумҳурии Тоҷикистон бармеояд, ҳамзамон мулоқоти Сарвари давлат бо фаъолони ҷомеаи шаҳрвандӣ ва ходимони дини кишвар, рӯзи 9 марти соли 2024, шарҳу тавзеҳи Қонунҳои Ҷумҳурии Тоҷикистон “Дар бораи тарбияи ватандустии шаҳрвандон”, “Дар бораи масъулияти падару модар дар таълиму тарбияи кӯдак”, “Дар бораи танзиму ҷашну маросим дар Ҷумҳурии Тоҷикистон”, ки ҳадаф аз онҳо пешгирии шомилшавии ҷавонон ба гурӯҳҳои террористию экстремистӣ, мубориза бо хурофотпарастӣ ва ифротгароӣ, муқовимат ба фарҳанги бегона, ҷалби ҷавонону наврасон ба донишандӯзиву касбомӯзӣ, таълиму тарбияи дурусти фарзандон мебошад, маълумоти муфассал доданд.
Ҷиҳҳати баланд бардоштани ҳисси ватандӯстӣ, худшиносӣ, арҷгузорӣ ба арзишҳои миллӣ, ободонии деҳаву маҳаллаҳо ва омодагиҳо ба Ҷашни 35 – солагии Истиқлолияти давлатии Ҷумҳурии Тоҷикистон аз ҷониби ҳозирин фикру мулоҳизот ва пешниҳодоти манфиатбахш ба қайд гирифта шуд.
Ҳамзамон, дар ҷараёни вохӯрӣ ба иштирокчиёни чорабинӣ оид ба масъалаҳои муҳоҷирати меҳнатии бехатар, қонунҳои нави амалкунандаи Федератсияи Россия дар самти муҳоҷират, касбомӯзӣ, омӯзиши забонҳои хориҷӣ, аз ҷумла забони русӣ, эҳтироми арзишҳои миллии дигар давлатҳо, бозори меҳнат, суханронӣ гардида, дар анҷоми чорабинӣ ба иштирокдорон маводҳои иттилоотӣ ва брошюраҳои роҳнамои Хадамоти муҳоҷират вобаста ба муҳоҷирати бехатар тақсим карда шуд.
Раёсати Хадамоти муҳоҷират дар вилояти Хатлон
