Бо мақсади иҷроиши қарори Хукумати Ҷумҳурии Тоҷикистон аз 17 феврали соли 2024 №69 “Дар бораи нақшаи миёнамуҳлати муташаккилона кӯчонидани муҳоҷирони экологӣ барои солҳои 2024-2026” ва қарори ҳаммаънои Раиси вилояти Суғд аз 4 марти соли 2024 №50 мудирони бахшҳои Хадамоти муҳоҷират дар ноҳияҳои Кӯҳистони Мастчоҳ ва Зафаробод ҳафтаи сипаригашта аз рафти корҳои сохтмонии муҳоҷирони экологие, ки аз ноҳияи Кӯҳистони Мастчоҳ ба ноҳияи Зафаробод кӯчонида мешаванд,  дидан намуданд.

Аз ҷониби масъулин ҷиҳати бо инфрасохтори зарурӣ таъмин намудани мавзеъи муҳоҷирон  бо сохторҳои дахлдор мактуб ирсол карда шудааст.

Инчунин, аз оилаҳои муҳоҷирон даъват ба амал оварда шуд, ки корҳои сохтмониро ҳарчи зудтар ба итмом расонида аз минтақаҳои хавфнок  ба минтақаҳои бехавф кӯчанд.

Раёсати Хадамоти муҳоҷират дар вилояти Суғд