Дар асоси нақшаи муштараки гурӯҳи кории мақомоти иҷроияи ҳокимияти давлатии шаҳри Хоруғ бо сокинони маҳаллаҳои шаҳри Хоруғ мулоқоти судманд баргузор гардид.
Дар рафти мулоқотҳо бо сокинони маҳаллаҳо намояндаи Хадамоти муҳоҷират дар ВМКБ, дар бораи раванди вазъи муҳоҷирати меҳнатӣ дар шаҳри Хоруғ маълумот дода, ҷиҳати пешгирии қонунвайронкунӣ дар самти муҳоҷирати меҳнатӣ, қоидаҳои будубош дар хориҷи кишвар, талаботҳои қонунгузории соҳа шарҳу тавзеҳ доданд.
Ҳамзамон, ба ҳозирин оид ба шукргузорӣ аз фазои ороми ватан дар доираи мавзуъҳои асосии рӯз ба монанди истифодаи оқилонаи қувваи барқ, тарбияи дурусти ҷавонон дар рӯҳияи худогоҳиву худшиносӣ, хизмати Модар-Ватан, нагаравидани насли ҷавони кишвар ба гурӯҳҳои ифротиву тундрав, муҳоҷирати бехатар, қонунҳои нави кишвари Россия дар самти муҳоҷират, пешгирӣ аз исрофкорӣ дар соҳаҳои гуногуни рӯзмарра, сулҳи пойдори миллӣ, арзишҳои фарҳангӣ, муқаддасоти миллӣ, ва ғайра баёни андеша намуд.
Дар охир, диққати иштирокдоронро оид ба вусъати корҳои ободонӣ бахшида ба ҷашни 35-солагии Истиқлоли давлатӣ ва риояи қонунҳои миллии Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон”, “Дар бораи масъулият барои таълиму тарбияи кӯдак”, “Дар бораи тарбияи ватандӯстии шаҳрвандон” ва пешгирии шомилшавии шаҳрвандон ба ҳизбу ҳаракатҳои экстремистӣ ҷалб намуда, ба саволҳои иштирокдорон ҷавобҳои мушаххас дода шуданд.
Шуъбаи Хадамоти муҳоҷират дар ВМКБ
