Бахши Хадамоти муҳоҷират дар ноҳияи Кӯҳистони ҷиҳати гузаронидани чорабиниҳои иттилоотӣ – маърифатӣ бо сокинон ва шахсони касбу кори гуногун дар Муассиссаи  таҳсилоти миёнаи умумии №32 вохӯрии судманд бо устодон ва хонандагон доир намуд. 

Дар вохӯрӣ оид ба қонунҳои Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ”, “Дар бораи тарбияи ватандӯстии шаҳрвандон”, инчунин оид ба пешгирии шомилшавии ҷавонон ба ҳизбу ҳаракатҳои ифротгаро, ба хусус терроризм ва экстремизм, пӯшидани сару либоси ба миллати мо бегона, таълимоти ғайрирасмии динӣ пурсиш ва посухҳои ба маврид сурат гирифт.

Ҳамзамон, дар вохӯрӣ андешаҳои гуногун нисбати вабои аср терроризм ва экстремизм баён гардида, таъкид гардид, ки дар шароити кунунии ҷаҳони муосир вазифаи ҳар як фарди ватандӯсту ватанпарвар, худогоҳ ва миллатдӯст, ба хусус ҷавонон, ки қисми осебпазири ҷомеа ҳастанд ва дар баробари ин ҳамчун неруи асосии ҷомеа ба ҳисоб мераванд, аз таълимоти гурӯҳҳои манфиатҷуй худдорӣ ва дури ҷуянд бо ҳар роҳу восита ба доми гурӯҳҳои тундраву иғвоангез гирифтор нашаванд.

Дар фарҷоми чорабинӣ ба иштирокдорон доир ба мавзуъ варақаҳои иттилоотӣ – маърифатӣ тақсим карда шуданд.

Раёсати Хадамоти муҳоҷират дар вилояти Суғд