Дар ростои иҷрои нақша-чорабиниҳои муштараки Мақомоти иҷроияи ҳокимияти давлатии ноҳияи Фархор оид ба тақвияти корҳои идеологӣ, тарғиботиву фаҳмондадиҳӣ дар деҳаи Иттифоқ ҷамоати деҳоти Фархор дар МТМУ№14 суҳбату вохӯриҳои судманд бо волидон, омӯзгорону хонандагон баргузор гардид.
Масъулин доир ба масъалаҳои мубрами рӯз, аз ҷумла пешгирии шомилшавии ҷавонон ба ҳизбу ҳаракатҳои ифротӣ, мубориза бо тақлид ба фарҳанги ба мо бегона, риояи талаботи Қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак”, “Дар бораи танзими ҷашну маросим дар Ҷумҳурии Тоҷикистон”, “Дар бораи тарбияи ватандӯстии шаҳрвандон”, сарфакорона истифода бурдани нерӯи барқ, муҳоҷирати бехатар, қонунҳои нави ФР дар самти муҳоҷират, забономӯзиву касбомӯзӣ, мавриди баррасӣ қарор гирифтанд.
Баромадкунандагон таъкид карданд, ки танҳо бо якдилӣ, ҳамкорӣ ва риояи қонунгузории амалкунанда метавон ба ҷомеаи солиму пешрафта ноил шуд. Таъкиди муҳими дигар ба масъулияти ҷавонон дар таъмини амният ва суботи дохилӣ равона шуда, аз аҳли ҷомеа даъват ба амал оварда шуд, ки дар самти тақвияти ҳисси ватандӯстӣ, зиракии сиёсӣ ва арҷгузорӣ ба арзишҳои миллӣ бештар саҳмгузор бошанд.
Гуфта шуд, ки ҳар яки мо бояд дар таълиму тарбияи фарзандон саҳми беназири худро гузорем, чун фарзанди нек ояндаи некро барои худ месозад. Бояд гуфт ки имруз занони мо ба либоси бегона бисёр таваҷҷуҳ равона кардаанд, ин тақлидкорӣ хоси мардуми тоҷик нест. Мардуми тоҷик фарҳанги ғание дорад. Зарур аст ки бештар ба либоси миллӣ рӯ оварему барои фарзандони худ низ ин равандро омӯзонем. Дар баргузории маъракаҳо низ бояд меъёрро риоя намоем, чун ин ба фоидаи буҷети оилаи мо мебошад.
Намояндаи бахши Хадамоти муҳоҷират дар ноҳия ба сокинон оид ба меъёрҳои Фармони Президенти Федератсияи Россия аз 30 декабри соли 2024 шарҳ дода, аз ҷумла, таъкид намуд, ки муҳлати қонунигардонидании будубош ва фаъолият дар Федератсияи Россия тариқи қонуни зикргардида барасмият дароранд.
Инчунин, доир ба риояи қонунгузории кишвари иқомат, тартиби ба роҳ мондани фаъолияти ҳар як муҳоҷир тибқи талаботҳои муқаррарнамудаи қонунгузорӣ, барасмиятдарории саривақтии ҳуҷҷатҳои дахлдори танзимкунандаи будубоши қонунӣ, дури ҷустан аз ҳар гуна гурӯҳҳои тераристиву экстремисти, ифротгарову хуруфотпараст ва оиди бемориҳои вируси норасоии масъунияти бадан (ВИЧ/СПИД) фаҳмонида доданд.
Дар охир иштирокдорон аз баргузории чунин вохуриҳо изҳори сипос намуданд.
Маркази матбуоти Хадамоти муҳоҷират
