19 ноябри соли 2025 дар назди КВД “Деҳқон”- и шаҳри Душанбе бо ташаббуси раёсати Агентии меҳнат ва шуғли аҳолӣ дар шаҳри Душанбе ярмаркаи шаҳрии ҷойҳои кории холӣ баргузор шуд.
Дар чорабинӣ намояндагони дастгоҳи марказии Хадамоти муҳоҷират, раёсати Хадамоти муҳоҷират дар шаҳри Душанбе, инчунин Муассисаи давлатии “Марказҳои машваратӣ ва омодагӣ пеш аз сафари муҳоҷирони меҳнатӣ” дар шаҳри Душанбе иштирок намуданд.
Зимни баргузории ярмарка кормандони Хадамоти муҳоҷират ба меҳмонон ва шаҳрвандони ҳозиршуда, маълумоти муфассал оид ба меъёрҳои қонунгузории кишварҳои қабулкунандаи муҳоҷирони меҳнатӣ, талаботи будубош ва фаъолияти меҳнатӣ, инчунин масъалаҳои марбут ба пешгирии ҷалби ҷавонон ба ташкилоту ҳаракатҳои террористӣ ва экстремистӣ пешниҳод карданд.
Ҳамзамон, шаҳрвандон оид ба имконияти мавҷудаи касбомӯзӣ, курсҳои забономӯзӣ ва хизматрасониҳои омодагӣ пеш аз сафари муҳоҷирони меҳнатӣ маълумоти пурра дарёфт намуданд.
Баргузории ярмарка ин баланд бардоштани сатҳи огоҳии шаҳрвандон, мусоидат ба шуғли аҳолӣ ва тақвият бахшидани ҳамкории мақомоти давлатӣ бо ҷӯяндагони кор равона гардида, барои таъмин кардани робитаи мустақими кордиҳандагон бо корҷӯён шароити мусоид фароҳам овард.
Маркази матбуоти Хадамоти муҳоҷират
