Дар асоси нақшаи чорабиниҳои Мақомоти иҷроияи ҳокимияти давлатии ноҳияи Лахш гурӯҳи корӣ, ки дар он шуъбаи Хадамоти муҳоҷират шомил аст, бо мақсади шарҳу тавзеҳи нуктаҳои асосии Паёми навбатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар Ҷамоати деҳоти Лахши боло бо фаъолон ва сокинон вохӯрии судманд баргузор гардид.
Дар ҷараёни вохӯрӣ баромадкунандагон доир ба нуқтаҳои пурмӯҳтавои Паёми Пешвои муаззами миллат дар самти тарбияи насли наврас, сарфаю сариштакорӣ ба масъалаи дастгирии ҷавонон, омӯзиши илмҳои муосир, ташаббускорӣ ва саҳмгузории фаъолона дар ободии Ватан, ифтихор аз давлатдории тоҷикон ва ҳифзи арзишҳои фарҳангиву миллӣ, ки дар Паёми имсолаи Пешвои муаззами миллат ироа гардид, ибрози андеша намуданд.
Инчунин, дар рафти вохӯрӣ сардори шуъбаи Хадамоти муҳоҷират дар ноҳия Нозимҷон Икромов оид ба риояи қонунгузории кишвари Россия дар самти муҳоҷират, тартиби ба роҳ мондани фаъолияти ҳар як муҳоҷир тибқи талаботҳои муқаррарнамудаи қонунгузорӣ, барасмиятдарории саривақтии ҳуҷҷатҳои дахлдори танзимкунандаи будубоши қонунӣ, дури ҷустан аз ҳар гуна гурӯҳҳои террористиву экстремисти, ифротгарову хуруфотпараст ва оиди бемориҳои вируси норасоии масъунияти бадан (ВИЧ/СПИД) суханронӣ намуд.
Дар интиҳо, ба иштирокдорони мулоқот изҳори сипос намуда, қайд гардид, ки мардуми шарафманди кишвар аз Паёми сарвари давлат илҳоми тоза гирифта, кору фаъолиятро дар соли 2026 бо иқдомҳои неки созандагию бунёдкорӣ идома хоҳад дод.
Вохӯрӣ бо рӯҳияи баланди ватандорӣ ба охир расид.
Маркази матбуоти Хадамоти муҳоҷират
