Дар муассисаи давлатии таълимии “Литсейи касбии политехникии № 44”-и шаҳри Хуҷанд бо сокинони маҳаллаи Шарқ вохӯрии саривақтӣ баргузор гардид.
Дар мулоқот муовини раиси КИ ҲХДТ дар шаҳри Хуҷанд Маҳмадсалим Ҳаитов, мудири шуъбаи кор бо маҳаллаҳои дастгоҳи Раиси шаҳр Муродҷон Раҷабов, сардори шуъбаи Агентии меҳнат ва шуғли аҳолӣ Ғафуров С, мутахассиси шуъбаи Хадамоти муҳоҷират Ахмедҷонова Волида ва ходимони дин иштирок ва суханронӣ намуданд.
Ҳадафи асосии баргузории мулоқот Паёми Президенти кишвар муҳтарам Эмомалӣ Раҳмон, шарҳу тавзеҳи сиёсати иҷтимоии давлат, баррасии масъалаҳои мубрами рӯз, тақвияти ҳисси ватандӯстӣ, пешгирии омилҳои номатлуб дар ҷомеа, инчунин ҷалби шаҳрвандон ба ҳаёти фаъоли иҷтимоӣ маҳсуб меёфт.
Дар рафти баргузории вохӯрӣ ба сокинони маҳалла ва хонандагон оиди конунгузории нави ФР, муҳоҷирати бехатар, ҳар гуна ҳизбу ҳаракати ифротӣ ва масъалаҳои мубрами руз гуфта шуд.
Фаҳмонида шуд, ки экстремизм ва терроризм ифодаи руҳияи инсонбадбинӣ ва тафриқагузорӣ мебошад. Инсоният аллакай таҷрибаи муковимат бо чунин идеологияро пайдо намуда истода, хусусияти дастаҷамъона доштани онро тақвият мебахшад. Вале мутаасифона, баъзе нерӯҳои манфиатдор ба қувват гирифтани идеологияҳои дорои хусусияти зуроварӣ, аз ҷумла террористӣ мусоидат намуда, онҳоро ҳимоя мекунад ва бо ин амали хеш хатарҳои ҷиддии эҳтимолиро сари инсоният ба бор меоранд.
Маркази матбуоти Хадамоти муҳоҷират
