Дар доираи нақша-чорабиниҳои тасдиқгардидаи Мақомоти иҷроияи ҳокимияти давлатии ноҳияи Файзобод гурӯҳи корӣ бо мақсади шарҳу тавзеҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, вохӯрии судманд бо сокинону фаъолони Ҷамоати деҳоти Қалъаи Дашт баргузор гардид.
Масъулин зимни вохӯрӣ муҳтавои асосии Паёми Сарвари давлат, самтҳои афзалиятноки сиёсати дохиливу хориҷии кишвар, масъалаҳои рушди иҷтимоию иқтисодӣ, таъмини суботу амният, баланд бардоштани сатҳи некуаҳволии аҳолӣ, пешгирии кирдорҳои ҷиноятию зиддиҷамъиятӣ ва тарбияи ватандӯстии ҷавонон мавриди баррасӣ қарор дода шуданд.
Дар ҷараёни вохӯрӣ мудири бахши Хадамоти муҳоҷират дар ноҳия Басонат Азизова ба маълумоти сокинони расонид, ки дар Федератсияи Россия растании гармала (исирик, ҳазориспанд) қатъиян манъ мебошад.
Гармала (ҳазориспанд) ва моддаи фаъоли он — гармин — мутобиқи қонунгузории Федератсияи Россия ба моддаҳои нашъадор мансуб дониста мешаванд. Ворид кардан, харидан, нигоҳ доштан, интиқол додан, фурӯхтан, истифода бурдан ва тарғиб намудани гармала манъ аст.
Барои гардиш ва истифодаи ғайриқонунии гармала тибқи моддаҳои 6.8 ва 6.9 Кодекси ҳуқуқвайронкуниҳои маъмурии ФР, инчунин моддаҳои 228 ва 228.1 Кодекси ҷиноятии ФР, ҷарима, ҳабси маъмурӣ, барои шаҳрвандони хориҷӣ — ихроҷ аз қаламрави Федератсияи Россия ва дар ҳолатҳои вазнин — маҳрумият аз озодӣ то ҳабси якумрӣ пешбинӣ шудааст.
Аз ин лиҳоз, эҳтиромона хоҳиш карда мешавад, ки қонунҳои Федератсияи Россияро қатъиян риоя намоянд.
Маркази матбуоти Хадамоти муҳоҷират
